Bases Democráticas Galegas

Escribir, opinar é un delicto no Estado Español?. Paremos aos neo-franquistas ou voltaremos a repetir o inmediato pasado

2007-02-14T09:06:00.000-08:00

Escribir nun libro, nun papel, nun panfleto, nun xornal, artigos, opinións ou mesmo uns nomes, que son ben coñecidos, que foron e son mil veces pronunciados en voz baixa, por temor, polas vítimas da barbarie, da inxustiza, da opresión, semella un delicto. Que alguén poida ser procesado, como acontece con Dionisio Pereira, ou mesmo condeado a prisión, por delictos de opinión ou por manifestar opinións contrastadas, en libros como o que da orixe a demanda dos herdeiros de Manuel Gutiérrez Torres, alcalde de Cerdedo durante o franquismo e xefe local da Falange Española nos días que seguiron ao golpe de Estado de 1936.

Este é o delicto de Dionisio Pereira, escribir nun documentado libro, ‘A IIª República e a represión franquista en Cerdedo’, como foron masacrados, torturados, asasinados, humillados, reprimidos ………sete veciños desa vila, e en concreto Francisco Arca e Secundino Bugallo, canteiros e da CNT, torturados e asasinados o 13 de agosto de 1936 nunha cuneta de Pedre.

Semella que o poder xudicial do Estado Español non consideran merecedores de investigación estes feitos e si o perseguiren aos que levantando a voz denuncian rigorosamente tanta impunidade ou mesmo perseguiren as persoas e colectivos que defenden coherentemente os direitos individuais , sociais e nacionais.

Galiza, Febreiro do 2007

71 anos despois do golpe de estado fascista de 1936

BASES DEMOCRATICAS GALEGAS

As Bases Democráticas Galegas reiterárom a sua aposta polos direitos nacionais da Galiza

2007-02-07T13:49:00.000-08:00

As Bases Democráticas Galegas reiterárom a sua aposta polos direitos nacionais da Galiza na manhá de hoje ante o Parlamento Galego. Um grupo de activistas despregou umha faixa com a legenda "Estatutos Nom. AUTODETERMINAÇOM", fazendo assim visível a demanda do soberanismo de esquerda que se recolhe no comunicado Perante o fracasso da reforma estatutária.
No interior das instalaçons os representantes de PP, PSOE e BNG debatiam entorno ao fracasso das negociaçons sobre o Estatuto de Autonomia.

As Bases Democráticas Galegas perante o fracasso da reforma estatutária

2007-02-06T16:27:00.000-08:00

Após o fracasso das negociaçons entre PP, PSOE e BNG a respeito do Estatuto de Autonomia e coincidindo com o debate referente a esta questom que hoje mesmo se celebra no Parlamento Galego, as Bases Democráticas Galegas querem fazer ouvir a voz da esquerda empenhada na defesa do direito de Autodeteminaçom para o nosso povo.

Apesar das discrepáncias superficiais que houver, hoje os três partidos com representaçom parlamentar continuam a construir a farsa que venderá a liberdade da Galiza por um punhado de votos. Mediante o comunicado que publicamos, as BDG deixamos patente a oposiçom radical do soberanismo de esquerda a qualquer reforma do quadro jurídico-político galego que nom contemple o reconhecimento dos legítimos direitos colectivos que nos assistem como naçom.

Comunicado em AGAL | Comunicado em RAG

Bases Democráticas Galegas reclamam autodeterminaçom (AGAL)

2007-02-06T08:28:00.000-08:00

Passavam poucos minutos da 1 da tarde quando um nutrido grupo de pessoas concentradas à beira da viguesa Porta do Sol manifestavam a oposiçom do soberanismo galego à Constituiçom espanhola e o direito a decidir o futuro mediante o exercício de autodeterminaçom.

Laura Quintillham deu leitura ao manifesto elaborado para esta ocasiom que reproduzimos integramente, enquanto mais de um cento de pessoas, -basicamente activistas sociais e militantes das diversas expressons da esquerda soberanista-, reclamavam mediante diversas palavras de orde o direito de autodeterminaçom e o indiscutível carácter de naçom da Galiza.

A convocatória, silenciada pola totalidade dos meios de comunicaçom, finalizou com o canto do hino nacional.

Manifesto
Acumular forças pola Autodeterminaçom

O processo de reajustamento interno da democracia bourbónica está a entrar na sua fase definitória. Quase três décadas de liberdades tuteladas, monarquia imposta polo franquismo e ratificada na Constituiçom de 78, neoliberalismo em ascenso e tentativa de regionalizaçom das identidades nom espanholas servírom para afiançar o Estado contra as dissidências populares, mas nom rematárom a tarefa. É a vez de as elites actualmente governantes darem o toque final com mais um verniz de modernizaçom à medida das burocracias periféricas: esteio para o sistema autonómico e novos regionalismos para todos: deixam que nos chamemos 'naçom' porque vai ser em última instáncia a soberania espanhola a sancionar o nosso estatus. E quer com um termo, quer com outro, Madrid acouta de partida o terreno de jogo enquanto as decisons estratégicas, as que afectam às maiorias trabalhadoras, seguem a pairar no espaço estratosférico onde o capitalismo joga as suas cartas: longe da Galiza, longe dos parlamentos, modulando as condutas governamentais a base de cheques e chantagens.

Zapatero em Espanha e o tandem Tourinho-Quintana na Galiza desenvolvem atinadamente o seu papel: o processo de reformas autonómicas terá sucesso se for aplicado sobre movimentos populares desarticulados, com a esquerda "capitalista" coptada polos orçamentos do Estado e os espaços do circo mediático vendidos a preço de saldo; se a populaçom assistir sedada ao choque virtual com a extrema-direita, no canto de observar criticamente a realidade que piora. Enquanto os incautos pensam que a valentia dos democratas governantes nos protege da agressividade dos ultras, o retrocesso popular nom pára na Galiza: catástrofe ambiental, deterioraçom laboral, desfeita urbanística e predaçom da costa, ritualizaçom do idioma, ausência de debate público e maciço sobre as grandes questons em que se dirime o futuro colectivo. Para alguns, a ambigüidade e fraqueza governamentais alimentam involuntariamente estas e outras calamidades; para outros, que vamos sendo maioria, a inacçom governamental é fruto da cumplicidade deliberada de quem só aspira a blindar as suas prebendas, assegurando o apoio dos que mandam de verdade: os capitalistas.

Na nossa história recente, a reivindicaçom soberanista e a oposiçom frontal a todo estatutismo actuou de catalisador das mais significativas luitas populares. A autodeterminaçom situada como horizonte irrenunciável levava aparelhada a auto-organizaçom como requisito quotidiano para edificar um País que nom precisava de subsídios, políticos profissionais nem favores mediáticos. Quem hoje nos reunimos nesta praça nom o fazemos por acreditarmos nas virtudes das efemérides ou das contra-efemérides; fazemo-lo com o intuito de lavrar um espaço autodeterminista que atinja esse conjunto de projectos populares, políticos ou sociais, que bolem pola Galiza adiante, agrandando o seu potencial e pulando pola sua activaçom em chaves de soberania nacional e contra a fraude das reformas. Seria preciso que as galegas e os galegos que nom nos contentamos com as faragulhas de Madrid estivéssemos à altura dos nossos inimigos: se eles preparam com esmero a liquidaçom definitiva da nossa causa nacional e a deserçom dos movimentos do cenário do combate, cumpriria que nós desenhássemos com rigor umha intervençom sustentada, multiplicadora e coesionadora de aqueles sectores que nom se vendem. O consenso de todos os que mandam -já sem máscaras de nenhum tipo- por relegar a naçom à dependência e os trabalhadores aos ditados neoliberais, deve de ser contestado com a maior das amplitudes e a maior das contundências. Erguer um potente movimento de massas sob os eixos descritos pode erosionar o autonomismo e fazer-nos dar passos significativos para a autodeterminaçom do futuro.

Galiza, 2 de Dezembro de 2006

Bases Democráticas Galegas reclaman autodeterminación

2006-12-02T16:23:00.000-08:00

Pasaban poucos minutos da 1 da tarde cuando un nutrido grupo de persoas concentradas à beira da viguesa Porta do Sol manifestavan a oposición do soberanismo galego á Constitución española e o direito a decidir o futuro mediante o exercicio de autodeterminación.

Laura Quintilllán deu leitura ao manifesto elaborado para esta ocasión que reproducimos integramente, encuanto mais dun cento de persoas, -basicamente activistas sociais e militantes das diversas expresións da esquerda soberanista-, reclamaban mediante diversas consignas o direito de autodeterminación e o indiscutíbel carácter de nación da Galiza.

A convocatoria, silenciada pola totalidade dos meios de comunicación, finalizou con o canto do hino nacional.

Manifesto
Acumular forzas pola Autodeterminación

O proceso de reaxustamento interno da democracia borbónica está a entrar na sua fase definitoria. Case tres décadas de liberdades tuteladas, monarquía imposta polo franquismo e ratificada na Constituición de 78, neoliberalismo en ascenso e tentativa de rexionalización das identidades non españolas serviron para afianzar o Estado contra as disidencias populares, mais non remataron a tarefa. É a vez de as elites actualmente gobernantes daren o toque final con mais un barniz de modernización á medida das burocracias periféricas: esteio para o sistema autonómico e novos rexionalismos para todos: deixan que nos chamemos 'nación' porque vai ser en última instancia a soberanía española a sancionar o noso estatus. E quer con un termo, quer con outro, Madrid acouta de partida o terreno de xogo encanto as decisions estratéxicas, as que afectan ás maiorias traballadoras, seguen a pairar no espazo estratosférico onde o capitalismo xoga as suas cartas: lonxe da Galiza, lonxe dos parlamentos, modulando as conductas gobernamentais a base de cheques e chantaxes.

Zapatero en España e o tandem Touriño-Quintana na Galiza desenvolven atinadamente o seu papel: o proceso de reformas autonómicas terá éxito se for aplicado sobre movimentos populares desarticulados, con a esquerda "capitalista" coptada polos orzamentos do Estado e os espazos do circo mediático vendidos a prezo de saldo; se a población asistir sedada ao choque virtual con a extrema-direita, no canto de observar criticamente a realidade que piora. Encanto os incautos pensan que a valentía dos demócratas gobernantes nos protexe da agresividade dos ultras, o retroceso popular non pára na Galiza: catástrofe ambiental, deterioro laboral, desfeita urbanística e predación da costa, ritualización do idioma, ausencia de debate público e masivo sobre as grandes cuestións en que se dirime o futuro colectivo. Para alguns, a ambigüidade e fraqueza gobernamentais alimentan involuntariamente estas e outras calamidades; para outros, que vamos sendo maioria, a inacción gobernamental é fruto da complicidade deliberada de quen só aspira a blindar as suas prebendas, asegurando o apoio dos que mandan de verdade: os capitalistas.

Na nosa historia recente, a reivindicación soberanista e a oposición frontal a todo estatutismo actuou de catalizador das mais significativas luitas populares. A autodeterminación situada como horizonte irrenunciábel levaba aparellada a auto-organización como requisito cotidiano para edificar un País que non precisaba de subsidios, políticos profesionais nen favores mediáticos. Quen hoxe nos reunimos nesta praza non o facemos por acreditarmos nas virtudes das efemérides ou das contra-efemérides; facémolo con o intuito de labrar un espazo autodeterminista que atinxa ese conxunto de proxectos populares, políticos ou sociais, que bolen pola Galiza adiante, agrandando o seu potencial e pulando pola sua activación en chaves de soberanía nacional e contra a fraude das reformas. Sería preciso que as galegas e os galegos que non nos contentamos con as faragullas de Madrid estivésemos á altura dos nosos inimigos: se eles preparan con esmero a liquidación definitiva da nosa causa nacional e a deserción dos movimentos do escenario do combate, cumpriría que nós deseñásemos con rigor unha intervención sustentada, multiplicadora e coesionadora de aqueles sectores que non se venden. O consenso de todos os que mandan -xa sen máscaras de nengún tipo- por relegar a nación á dependéncia e os traballadores aos ditados neoliberais, debe de ser contestado con a maior das amplitudes e a maior das contundencias. Erguer un potente movimento de masas baixo os eixos descritos pode erosionar o autonomismo e facernos dar pasos significativos para a autodeterminación do futuro.

Galiza, 2 de Decembro de 2006

Acto político em Vigo no próximo Sábado 2 de Dezembro

2006-11-21T09:35:00.000-08:00

As Bases Democráticas Galegas convocam um acto político sob a legenda Nom à Constituiçom. AUTODETERMINAÇOM para mais umha vez visibilizar socialmente o rejeitamento à Constituiçom espanhola que nega os legítimos direitos nacionais da Galiza, num contexto em que por parte do espanholismo e o autonomismo o debate público entorno à "reformulaçom do Estado" pretende cingir-se em exclussiva ao antidemocrático quadro dos estatutos de autonomia.

O acto terá lugar a partir da 1 da tarde do próximo Sábado 2 de Dezembro na Porta do Sol de Vigo.

Como iniciativa plural e apartidária do conjunto da esquerda soberanista, para continuar a fortalecer o movimento social em favor dos nossos direitos colectivos como naçom, chamamos a dar cobertura a esta convocatória a todas as galegas e galegos conscientes de que, sem a autodeterminaçom que a Constituiçom de 78 nos nega, nom pode haver democracia para a Galiza.

Acumular forzas pola Autodeterminación

2006-11-02T17:27:00.000-08:00

Manifesto
Acumular forzas pola Autodeterminación

Galiza, 2 de Novembro de 2006

Acumular forças pola Autodeterminaçom

2006-11-02T09:34:00.000-08:00

Galiza, 2 de Novembro de 2006

Ás organizacións asinantes do "Manifesto a prol dun avanzo no autogoberno da Galiza"

2006-07-21T16:23:00.000-07:00

Ás organizacións asinantes do "Manifesto a prol dun avanzo no autogoberno da Galiza"

Desde as Bases Democráticas Galegas, como parte do movimento social en defensa dos direitos nacionais da Galiza, saudamos a presentación do "Manifesto a prol dun avanzo no autogoberno da Galiza". Qualquer iniciativa en favor do noso direito de Autodeterminación será sempre unha boa noticia para quen situamos este obxectivo no centro do noso traballo diario.

Consideramos que o direito de Autodeterminación, a capacidade do noso pobo para decidir por si propio o seu futuro, é unha condición previa e indispensábel para cualquer reforma no cuadro xurídico-político que nos atinxe como nación; independentemente de que esta tome a via estatutaria ou cualquer outra.

Levando en conta esta consideración e o actual contexto político, vemos como unha prioridade reforzar as posicións de quen defendemos o exercicio do direito de Autodeterminación neste momento de mudanza a respeito da relación da Galiza com o Estado español.

Por este motivo queremos convidarvos a aderir e apoiar a manifestación en defensa da Autodeterminación que no próximo 25 de xullo percorrerá as ruas de Compostela sob as siglas das Bases Democráticas Galegas.

Esperando a vosa resposta, recebei un cordial saúdo autodeterminista.

Galiza, 21 de xullo de 2006

Às organizaçons assinantes do "Manifesto a prol dum avanço no autogoverno da Galiza"

2006-07-21T09:33:00.000-07:00

Desde as Bases Democráticas Galegas, como parte do movimento social em defesa dos direitos nacionais da Galiza, saudamos a apresentaçom do "Manifesto a prol dum avanço no autogoverno da Galiza". Qualquer iniciativa em favor do nosso direito de Autodeterminaçom será sempre umha boa notícia para quem situamos este objectivo no centro do nosso trabalho diário.

Consideramos que o direito de Autodeterminaçom, a capacidade do nosso povo para decidir por si próprio o seu futuro, é umha condiçom prévia e indispensável para qualquer reforma no quadro jurídico-político que nos atinge como naçom; independentemente de que esta tome a via estatutária ou qualquer outra.

Levando em conta esta consideraçom e o actual contexto político, vemos como umha prioridade reforçar as posiçons de quem defendemos o exercício do direito de Autodeterminaçom neste momento de mudança a respeito da relaçom da Galiza com o Estado espanhol.

Por este motivo queremos convidar-vos a aderir e apoiar a manifestaçom em defesa da Autodeterminaçom que no próximo 25 de Julho percorrerá as ruas de Compostela sob as siglas das Bases Democráticas Galegas.

Esperando a vossa resposta, recebei um cordial saúdo autodeterminista.

Galiza, 21 de Julho de 2006

Mais adesons à manifestaçom do 25 de Julho

2006-07-21T09:32:00.000-07:00

O organismo antirepressivo Ceivar, Corrente Vermelha, o colectivo pontevedrês Iniciativa Popular de Esquerdas (IPE) e PRT-ER venhem de manifestar o seu apoio à mobilizaçom do Dia da Pátria convocada polas Bases.

Continuam crescendo as adesons

2006-07-19T09:32:00.000-07:00

Esta convocatória unitária conta com o apoio de diversos colectivos, organizaçons sociais e forças políticas, até o momento já maifestárom a sua adesom AGIR, AMI, Assembleia Aberta do Local Social Baiuca Vermelha, Assembleia de Mulheres do Condado, BRIGA, Comisión Viguesa pola Memoria do 36, Comité de Loita Popular "Manolo Bello Parga", Gentalha do Pichel, NÓS-Unidade Popular, Partido Comunista do Povo Galego, Primeira Linha, Siareir@s Galeg@s e Unidade da Esquerda Galega

Bases Democráticas Galegas convocam manifestaçom pola Autodeterminaçom o 25 de Julho

2006-07-19T09:30:00.000-07:00

Com motivo do Dia da Pátria, as Bases Democráticas Galegas convocam neste 25 de Julho umha manifestaçom polo direito de Autodeterminaçom sob a legenda "Estatutos nom. Autodeterminaçom", que queremos que poda ser apoiada por um amplo e plural abano das forças políticas, sindicais e sociais que defendemos a liberdade do nosso país.

Para facilitarmos que sectores autodeterministas que participam noutras convocatórias também podam aderir a esta iniciativa, as BDG convocamos umha manifestaçom nacional que partirá da Alameda compostelana à 1 da tarde do 25 de Julho.

O acto político que fechará a mobilizaçom desenvolverá-se na praça do Toural a partir das 14.30 horas com a intervençom de Carlos Taibo, um dos promotores das Bases Democráticas Galegas.

Contexto político
No ano passado, e como expressom das maciças mobilizaçons do povo trabalhador galego dos últimos anos (contra a LOU, greves gerais, resposta à crise do Prestige e contra a guerra), acabou-se com 17 anos de governo da direita fraguista e do PP.
Hoje, temos um novo governo numha legislatura que tem como um dos seus objectivos principais enfrentar a reforma do Estatuto de autonomia, base da relaçom da Galiza com o Estado espanhol.
Para as Bases Democráticas Galegas, a reforma do Estatuto é, novamente, a maneira que tenhem no aparelho do Estado e os seus representantes na Galiza de furtar o legítimo direito dum povo a decidir o seu destino, quer dizer, a exercer o direito a autodeterminaçom, para além das discussons nominalistas sobre se Estatuto de Naçom sim ou nom.
O que se vai apresentar para que o povo galego ratifique é o mais antidemocrático que existe: ou o Estatuto consensualizado, ou o nada.
As Bases Democráticas Galegas consideramos que a Galiza, como naçom, tem o direito democrático à autodeterminaçom e que hoje, este direito, polos motivos expostos, nom é tomado em consideraçom polas forças que estám a negociar o Estatuto.

Manifestaçom das BDG recolhe adesons

2006-07-14T09:29:00.000-07:00

manifestaçom do Dia da Pátria começa a receber o respaldo de entidades sociais e políticas galegas, no que se concebe como umha mobilizaçom unitária e plural aberta a todas as pessoas e sectores sociais e políticos favoráveis ao direito de autodeterminaçom da Galiza.
A continuaçom reproduzimos os comunicados de apoio de Comité de Loita Popular "Manolo Bello Parga", de Unidade da Esquerda Galega, e de Xavier Moreda, membro da Associaçom pola Memória Histórica do 36 de Vigo.

Apoio à manifestación das Bases Democráticas Galegas
Diante a convocatoria pola Bases Democráticas Galegas dunha manifestación unitaria de toda-las forzas políticas e sociais que defenden o dereito de autodeterminación dos povos, dereito recollido mesmo na carta fundacional das Nacions Unidas, na Galiza o Comité de Loita Popular "Manolo Bello Parga" quere amosar seu total apoio a esta xusta iniciativa de unidade. Unidade a noso entender inescusábel neste intre político no que se atopa o Estado español cun novo reparto estatutario que recolle o poder das diversas fraccions da burguesía e na que goberno autonómico galego ven lastrado pola sua debilidade e servilismo.
Estase a redactar un novo texto estatutario a espaldas do povo galego, sen mais cauce de participación que un futuro referendo que aprobe o pactado polas clases dominantes.
Diante desta situación, os comunistas revolucionarios xunto coas demais forzas progresistas, non temos mais camiño que artellar unha grande unidade en torno a defensa do Dereito de Autodeterminación, dereito irrenunciábel de soberanía das nacionalidades oprimidas dentro do Estado español.
Chamammos a todalas forzas progresistas e revolucionarias do noso povo a secundar o chamado de unidade para unha convocatoria no Día da Patria Galega que poña no orde do día o noso dereito como povo a decidir o noso destino.

Comité de Loita Popular "Manolo Bello Parga"
Estudar, asumir e aplicar o Marxismo-Leninismo-Maoísmo

Galiza a 13 de xullo do 2006

* * *

Adhesión ás Bases Democráticas Galegas
Polo dereito a reformularnos como Nación: A prol da autodeterminación.
Polo cumprimento da lexislación internacional (ONU) que nos lexitima como povo soberano.
Contra as inxerencias externas a nosa vontade. A prol da contrucción Nacional de Galiza.
Por unha República Galega e Socialista.

Lois Pérez Leira
Unidade da Esquerda Galega

Vigo, 14 de xullo do 2006

* * *

Adhesión ás Bases Democráticas Galegas
Coa recuperación da memoria, virá asemade, o fortalecemento dun espírito crítico: de enfrontamento co noso pasado sécular, como país conservador. É preciso combater a ignorancia: hai que unir vontades para xerar ilusións e forzas contra as democracias de mercado e os usurpadores da nosa soberanía. A prol da propia determinación de Galiza: un dereito irrenunciabel.
¡Viva a República Galega!

Xavier Moreda
Membro da Asociación pola Memoria Histórica do 36 de Vigo

Vigo, 14 de xullo do 2006

Manifestaçom Dia da Pátria 2006

2006-07-10T09:27:00.000-07:00

No ano passado, e como expressom das maciças mobilizaçons do povo trabalhador galego dos últimos anos (contra a LOU, greves gerais, resposta à crise do Prestige e contra a guerra), acabou-se com 17 anos de governo da direita fraguista e do PP.

Hoje, temos um novo governo numha legislatura que tem como um dos seus objectivos principais enfrentar a reforma do Estatuto de autonomia, base da relaçom da Galiza com o Estado espanhol.

Para as Bases Democráticas Galegas, a reforma do Estatuto é, novamente, a maneira que tenhem no aparelho do Estado e os seus representantes na Galiza de furtar o legítimo direito dum povo a decidir o seu destino, quer dizer, a exercer o direito a autodeterminaçom, para além das discussons nominalistas sobre se Estatuto de Naçom sim ou nom.
O que se vai apresentar para que o povo galego ratifique é o mais antidemocrático que existe: ou o Estatuto consensualizado, ou o nada.

As Bases Democráticas Galegas consideramos que a Galiza, como naçom, tem o direito democrático à autodeterminaçom e que hoje, este direito, polos motivos expostos, nom é tomado em consideraçom polas forças que estám a negociar o Estatuto.

O direito de autodeterminaçom, como a defesa da língua, nom pode submeter-se aos interesses partidistas. Por isso, as Bases Democráticas Galegas, como movimento social, como espaço suprapartidário do soberanismo de esquerda da Galiza, decidimos convocar neste 25 de Julho umha manifestaçom polo Direito de Autodeterminaçom sob a legenda "Estatutos nom. Autodeterminaçom", que queremos que poda ser apoiada por um amplo e plural abano das forças políticas, sindicais e sociais que defendemos a liberdade do nosso país.

O acto político que fechará a mobilizaçom desenvolverá-se na praça do Toural a partir das 14.30 horas com a intervençom de Carlos Taibo, um dos promotores das Bases Democráticas Galegas.
Galiza, 10 de Julho de 2006

Fraude estatutária e autodeterminaçom

2006-06-23T16:40:00.000-07:00

Carlos Morais nasceu em Mugueimes, Moinhos, na Baixa Límia, 12 de Maio de 1966. Licenciado em Arte, Geografia e História pola Universidade de Santiago de Compostela tem publicado diversos trabalhos e ensaios de história, assim como dúzias de artigos no Abrente, A Peneira, A Nosa Terra e outras publicaçons periódicas. Activista dos movimentos sociais, inicialmente no estudantil, sendo fundador dos CAF no cámpus universitário de Ourense, e depois do antimilitarista é militante comunista desde jovem. Actualmente forma parte da Permanente Nacional de NÓS-UP e é Secretário Geral de Primeira Linha.

_________

Há agora um ano, os cinco longos quinquénios de fraguismo passavam à história após a apertada vitória eleitoral da oposiçom institucional que posteriormente permitiu o acordo de governo entre o PSOE e o BNG.
Lamentavelmente, neste período nom se tenhem produzido mudanças significativas no nosso país, nom se tem experimentado umha melhoria das condiçons de vida da maioria da populaçom, nem se recuperárom os principais sinais de identidade nacional da Galiza.
Neste ano, umha boa parte do povo trabalhador galego, cujo maciço apoio ao ciclo de mobilizaçons aberto na greve geral de Junho de 2001 e prolongado na denúncia e oposiçom à maré negra do Prestige e guerra do Iraque foi determinante para botar a Fraga, tem passado dumha ilusionante expectativa à decepçom e pessimismo perante o continuísmo instalado em Sam Caetano.

O eixo central da política institucional, e por conseguinte mediática, tem estado, e ainda continua a estar centrada no debate sobre as reformas estatutárias. As três forças políticas com representaçom no parlamentinho autonómico pactuárom umha metodologia para reformar o Estatuto de 1981, consistente na criaçom dumha Comissom Parlamentar consultiva pola qual fôrom desfilando nos últimos meses várias dúzias de entidades.
Mas a fraude pactuada polas forças do regime nom radica em terem excluído das consultas as organizaçons políticas e sociais soberanistas, a excepçom da CIG, senom em limitar o processo em curso aos parámetros dumha tímida descentralizaçom administrativa que aperfeiçoe a arquitectura institucional estatal pactuada na Transiçom, baseada na indivisível unidade de Espanha.

Um processo previamente definido
Com estes vimes, pouco cesto se pode fazer. Assim o resultado do processo está determinado de antemao. Embora sim esteja prevista umha consulta popular para ratificar o acordo emanado do Hórreo, PSOE, BNG e PP jogam com cartas marcadas e unicamente estám a teatralizar umha obra cujo final todo o mundo conhece.
Mas, se isto nom fosse suficiente, o processo deve submeter-se aos rígidos ditames de Madrid que nom vai permitir nada que puder ser interpretado como um avanço no autogoverno. Porém, aqui, pola singular morfologia da composiçom institucional, -ao carecer de representaçom parlamentar a esquerda independentista-, este cenário está completemante descartado.
Da Cámara da CAG nom vai sair nengum texto que as Cortes espanholas podam amputar por interpretarem ser inconstitucional ou por questionar que a soberania reside unicamente no "povo espanhol", tal como figérom com o Estatut.
Nom existe a menor dúvida a respeito de que @s 75 deputad@s do Hórreo serám escrupulosamente respeitos@s com a legalidade vigorante, ou seja, com o quadro jurídico-politico continuador do franquismo.

Se o resultado do processo em curso é conhecido, o mesmo podemos dizer da consulta com que pretendem legitimar a fraude estatutária que procura, mediante um pacto entre a burguesia espanhola e as burguesias e elites autonómicas, trinta anos mais de estabilidade da monarquia bourbónica. Se o actual Estatuto carece de legitimidade democrática, pois na consulta realizada em Dezembro de 1980 a abstençom atingiu 79%!!!, todo indica que o texto que pretendem impor a todo ou nada as forças do regime nom volte a contar novamente com o apoio maioitário da populaçom da CAG.

Galiza naçom perde valor
Após o fingimento democraticista de ouvir presidentes de cámaras municipais, instituiçons e ordens profissionais, sindicatos e organizaçons sociais, a obra passou ao segundo capítulo.
PSOE e BNG apresentárom os sete pontos sobre os quais negociar com o PP a elaboraçom do novo estatuto, no qual o mais destacável é que a definiçom da Galiza baixa de categoria. Agora passamos ao metafísico "carácter nacional" mais semelhante da "realidade nacional" andaluza do que da definiçom de "nacionalidade histórica" actual, ou a de "naçom" adoptada polo IX Congresso das Nacionalidades Europeas desenvolvido em Berna (Suiça) em Setembro de 1933. Mas se isto nom fosse suficiente para compreender o grau de claudicaçom do nacionalismo institucional, o outro ponto estrela consistente em garantir um acordo financeiro durante dez anos de 8% do orçamento estatal foi rotundamente negado em menos de 24 horas polo ministro Solbes.

Processo antidemocrático
A esquerda independentista nom legitima este processo porque nom é democrático.
Negar de partida que a Galiza e o povo galego som o único sujeito de decisom e, portanto, impedir o exercício de autodeterminaçom impossibilita abordar o futuro do nosso país e a capacidade do conjunto dos habitantes da CAG, com independência da cor, raça ou origem, a decidirmos que tipo de estatus e relaçom queremos com os povos que hoje por imposiçom conformam o Estado espanhol.
Mas também porque renuncia a que umha parte d@s habitantes e geografia do conjunto da naçom (6.447 quilómetros quadrados e 185.561 pessoas, quer dizer, 17,2% do território e 6,4% da sua populaçom), carecem de qualquer possibilidade legal de participarem nesse debate. @s galeg@s do Návia-Eu, a Seabra, o Berzo e a Cabreira, seguem sem reconhecimento nacional polas três forças institucionais. De facto, o seu problema é evitarem mais retrocessos na sua condiçom e mais medidas assimilacionistas nos estatutos de autonomia que também se vam reformar nas Astúrias e Castela e Leom.
Mas, fundamentalmente e em terceiro lugar, porque o Estatuto, junto com a Constituiçom espanhola de 1978, som os instrumentos que impedem solucionar os nossos problemas como povo, classe e género.

Sem soberania, nom é possível solucionarmos umha boa parte dos problemas que padecemos como trabalhadores/as e como galeg@s. Sem termos capacidade para nos autoafirmarmos como povo no mundo, delimitarmos o nosso território, determinarmos que modelo de organizaçom interna queremos, a que modelo de sociedade aspiramos, nom é posível construir umha Galiza desde a esquerda. Enquanto a Galiza continuar explorada, oprimida e marginalizada polo Estado espanhol, a imensa maioria dos problemas quotidianos que padece a maioria social (baixos salários, desemprego, precariedade e sinistralidade laboral, pobreza e exclusom social, etc) nom podem solucionar-se.

O Estatuto nom é a soluçom, é parte do problema
De posiçons coerentemente soberanistas, nom podemos aspirar a reformar Espanha para a converter num Estado plurinacional, nom podemos assumir o quadro territorial de referência espanhol, temos que construir a Naçom Galega, e isto só é possível exercitando a autodeterminaçom e aspirando a dotarmo-nos dum Estado próprio, ao serviço exclusivo das classes trabalhadoras e populares.
Mas é ingénuo pretender fazê-lo, porque a unidade territorial de Espanha é inegociável para o bloco de classes dominante que vê em perigo os privilégios acumulados. De aí o grito no céu de José Maria Cuevas contra todo aquele que questionar a unidade de mercado chamada Espanha, ou do cardeal Rouco Varela ao vincular "Espanha unida" com a volta às "raízes cristás", ou as constantes opinions de altos mandos militares.

Mas, a dia de hoje, as classes sociais que representam as três forças institucionais da CAG, as diversas fracçons da burguesia autóctone, nom estám interessadas em construir a naçom galega. Estám cómodas com o actual estatus e, como muito, aspiram a umha nova redistribuiçom dos excedentes e privilégios, a poderem contar com mais capacidade política na sua área territorial para desenhar, administrar e gerir os recursos económicos, mediante um alargamento da capacidade fiscal, e contar com representaçom directa na UE no seio das delegaçons estatais para poderem defender sem intermediários os seus particulares interesses.
Na realidade, o que pretendem é fazer um ligeiro tuning na arquitectura autonómica para reforçarem os seus privilégios de classe.

Desinteresse popular e autodeterminaçom
Todo isto provoca um absoluto desinteresse do processo polo imensa maioria da populaçom galega. Ninguém vincula acertadamente, salvo essa minoria que sim se vai beneficiar, reforma estatutária com melhorias nas condiçons materiais de existência.
No entanto, cumpre evitar que o descrédito da política que vem caracterizando os últimos trinta anos se incremente.
É necessário que o conjunto de pessoas, forças políticas e sociais, entidades de todo o tipo que defendemos a soberania nacional e o direito de autodeterminaçom, confluamos em espaços comuns de intervençom.
Na reclamaçom do direito de autodeterminaçom, assim como na defesa da língua, cumpre superarmos as legítimas diferenças partidárias mediante acordos e respostas o mais amplas possíveis.

Fernando Pérez in memorian

2006-06-20T17:28:00.000-07:00

As Bases Democráticas Galegas manifestan o profundo pesar pola perda do compañeiro Fernando Pérez López na tarde de onte.
Home de firmes conviccións e comprometido, a sua traxectoria vital está intimamente ligada á loita polos direitos nacionais da Galiza e da clase traballadora.

Desde muito xoven participou en diferentes iniciativas políticas, sindicais e sociais seguindo sempre o fio conductor e os parámetros da esquerda e o soberanismo galego.

Na actualidade impartia clases nun centro de ensino medio de Pontevedra e presidia a Aula Castelao de Filosofía. Foi un dos promotores das Bases Democráticas Galegas e un firme defensor de todas aquelas causas que engrandecen un ser humano.

As Bases Democráticas Galegas transmiten a sua dor e consternación por esta lamentábel perda a sua familia, amigos/as e compañeiros/as

Fernando Pérez in memorian

2006-06-20T09:26:00.000-07:00

As Bases Democráticas Galegas manifestam o profundo pesar pola perda do companheiro Fernando Pérez López na tarde de onte.

Home de firmes conviçons e comprometido, a sua trajectória vital está intimamente ligada à luita polos direitos nacionais da Galiza e da classe trabalhadora.
Desde muito jovem participou em diferentes iniciativas políticas, sindicais e sociais seguindo sempre o fio condutor e os parámetros da esquerda e o soberanismo galego.
Na actualidade impartilhava aulas num centro de ensino médio de Ponte Vedra e presidia a Aula Castelao de Filosofia. Foi um dos promotores das Bases Democráticas Galegas e um firme defensor de todas aquelas causas que engrandecem um ser humano.
As Bases Democráticas Galegas transmitem a sua dor e consternaçom por esta lamentável perda a sua família, amigos/as e companheiros/as.

Bases Democráticas Galegas convocan Dia da Pátria

2006-06-16T17:30:00.000-07:00

Temos por diante un novo 25 de Xullo, que este ano se conmemora baixo unhas condicións políticas especiais.

Para as BDG, a reforma do Estatuto é, novamente, a maneira que teñen desde o aparello do Estado e os seus representantes en Galiza de furtar o lexítimo dereito dun pobo a decidir o seu destino, quer dicir, a exercer o dereito a autodeterminación, para alén das discusións nominalistas sobre se Estatuto de Nación si ou non.

As BDG consideramos que Galiza, como nación, ten o dereito democrático á autodeterminación e que hoxe, este dereito, non é tomado en consideración polas forzas que están a negociar a reforma do actual Estatuto de Autonomía. Un estatuto de autonomía é un resultado tan lexítimo como outro cualquer nun proceso de autodeterminación, mais a autodeterminación sempre vai antes.

O dereito de autodeterminación, como a defensa da lingua, non pode submeterse aos intereses partidistas. Por iso, as Bases Democráticas Galegas, como movemento social, como espazo suprapartidario do soberanismo de esquerda de Galiza, decidimos convocar neste 25 de Xullo unha manifestación, ás 13 h. en Compostela, polo Dereito de Autodeterminación sob a lexenda "Estatutos non. Autodeterminación", que desexamos que poida ser apoiada por un amplo e plural abano das forzas políticas, sindicais e sociais que defendemos a liberdade do noso país.

Galiza,16 de Xuño de 2006.

Bases Democráticas Galegas convocam Dia da Pátria

2006-06-16T09:25:00.000-07:00

ESTAUTOS NOM. AUTODETERMINAÇOM
25 de Julho, Dia da Pátria

Temos por diante um novo 25 de Julho, que neste ano se comemora sob umhas condiçons políticas especiais.

Para as BDG, a reforma do Estatuto é, novamente, a maneira que tenhem o aparelho do Estado e os seus representantes na Galiza de furtar o legítimo direito de autodeterminaçom, para além das discussons nominalistas sobre se Estatuto de Naçom sim ou nom.

As BDG consideramos que a Galiza, como naçom, tem o direito democrático à autodeterminaçom e que hoje, este direito, nom é tomado em consideraçom polas forças que estám a negociar a reforma do actual Estatuto de Autonomia. Um estatuto de autonomia é um resultado tam legítimo como outro qualquer num processo de autodeterminaçom, mas a autodeterminaçom sempre vai antes.

O direito de autodeterminaçom, como a defesa da língua, nom pode submeter-se aos interesses partidistas. Por isso, as Bases Democráticas Galegas, como movimento social, como espaço suprapartidário do soberanismo de esquerda da Galiza, decidimos convocar neste 25 de Julho umha manifestaçom, às 13 horas em Compostela, polo Direito de Autodeterminaçom, sob a legenda "Estatutos nom. Autodeterminaçom", que desejamos que poda ser apoiada por um amplo e plural abano das forças políticas, sindicais e sociais que defendemos a liberdade do nosso país.

Galiza, 16 de Junho de 2006.

Sucesso do Foro sobre a reforma estatutária

2006-06-04T09:16:00.000-07:00

O passado 3 de Junho celebrou-se em Compostela um Foro de debate organizado polas Bases Democráticas Galegas. O objectivo deste evento, celebrado no Paraninfo da Faculdade de Arte, Geografia e Historia, era formular perante o debate actual da reforma estatutária a defesa da necessidade da implicaçom popular directa na tomada de decisons contra a prática actual das elites políticas, e a necessidade de defender abertamente o reconhecimento do direito à autodeterminaçom do povo galego

No Foro organizado en 3 mesas participárom diversas pessoas que tivérom e tenhem umha significativa releváncia no contexto histórico-político e social do nosso país.

Na primeira mesa nucleada como "O Estatuto de 1936", participárom Isaac Diaz Pardo e Avelino Pousa Antelo, abordando umha análise do mesmo desde a perspectiva vivencial do processo histórico que conduciu à aprobaçom do Estatuto em Junho de 1936 pouco antes do golpe fascista do 18 de Julho. Completou a mesa a rigorosa análise de todo o processo, desde umha perspectiva nacionalista e de esquerda, por parte do professor Justo Beramendi.

Na segunda mesa, na que se abordaba "O Estatuto de 1981",participárom Camilo Nogueira e Xesús Veiga, abordando o processo que conduciu ao actual Estatuto de Autonomia, fazendo um percorrido polas diversas dificuldades encontradas desde as primeiras redacçons até as mobilizaçons populares que defendiam a dignidade nacional do nosso país diante das agressons do governo central e da UCD.

Na terceira mesa, sob a denominaçom "Reforma estatutária-Autodeterminaçom e Movimentos sociais", participárom Bráulio Amaro polas BDG, Pedro Alonso, activista ecologista de ERVA, Antón Dobao (activista cultural), Domingos Antom (filósofo), Laura Ogando (feminista-MNG), e Celso Comesaña do movimento vecinal de Vigo. Todas/os trabalhan actualmente em diferentes movimentos sociais no nosso país e defendem a necessidade de articular um potente movimento social que partindo do reconhecimento do nosso direito à autodeterminaçom, sente as bases necessárias para que podamos exercitar o nosso direito a decidir por nós mesmos/as, que o nosso ámbito de decisom seja o nosso próprio e podamos exercer completamente a nossa soberania nacional

3 de Junho. Foro: A reforma estatutária a debate

2006-06-03T09:13:00.000-07:00

Como já anunciamos no seu dia as Bases Democráticas Galegas ante o debate actual da reforma estatutária defendemos a necessidade da implicaçom popular directa na toma de decissons contra a prática actual das elites políticas.

Conscentes da importáncia de debater em profundidade a nova Reforma Estatutária que nos anunciam, as Bases Democráticas Galegas organizamos um Foro de Debate sobre esta reforma , o referido Foro terá lugar o próximo 3 de Xunho no Paraninfo da Facultade de Geografía e História,da Universidade de Santiago de Compostela em jornada de manhá e tarde. Participarám neste Foro destacadas pessoalidades que tivérom umha participaçom ou umha vivência activas no desenvolvimento dos Estatuto de 1936 e 1981, abordándo-se na jornada da tarde os posicionamentos soberanistas desde a óptica dos diversos movimentos sociais actuantes na Galiza de hoje.

Foro
A Reforma estatutária a debate
Sábado 3 de Junho de 2006
Paraninfo da Universidade de Santiago de Compostela

O Estatuto de 1936
10.30 horas
Isaac Diaz Pardo
Xusto González Beramendi
Avelino Pousa Antelo
Ramón Villares

O Estatuto de 1981
12.30 horas
Camilo Nogueira
Fernando Solla
Xesus Veiga

Reforma estatutária, autodeterminaçom e movimentos sociais
17 horas
Antolín Alcántara, sindicalista da CIG
Pedro Alonso, activista ecologista
Bráulio Amaro, coordenador das Bases Democráticas Galegas
Celso Comesaña, activista do movimento vicinal
Antón Dobao, activista cultural
Domingos Antom Garcia, professor de filosofia
Laura Ogando, militante de MNG

Foro: A reforma estatutaria a debate

2006-06-02T17:27:00.000-07:00

Como xa anunciaramos no seu día as Bases Democráticas Galegas diante do debate actual da reforma estatutária defendemos a necesidade da implicación popular directa na toma de decisións contra a práctica actual das elites políticas.

Conscentes da importancia de debater en profundidade a nova Reforma Estatutaria que nos anuncian, as Bases Democráticas Galegas organizamos un Foro de Debate sobre esta reforma , o referido Foro terá lugar o vindeiro 3 de Xuño no Paraninfo da Facultade de Xeografía e Historia,da Universidade de Santiago de Compostela en xornada de mañán e tarde. Participarán neste Foro destacadas persoalidades que tiveron unha participación ou unha vivencia activas no desenvolvemento dos Estatuto de 1936 e 1981, abordándose na xornada da tarde os posicionamentos soberanistas dende a óptica dos diversos movementos sociais actuantes na Galiza hoxendía

Foro
A Reforma estatutaria a debate
Sábado 3 de Xuño de 2006
Paraninfo da Universidade de Santiago de Compostela

O Estatuto de 1936
10.30 horas
Isaac Diaz Pardo
Xusto González Beramendi
Avelino Pousa Antelo
Ramón Villares

O Estatuto de 1981
12.30 horas
Camilo Nogueira
Fernando Solla
Xesus Veiga

Reforma estatutaria, autodeterminación e movimentos sociais
17 horas
Antolín Alcántara, sindicalista da CIG
Pedro Alonso, activista ecoloxista
Bráulio Amaro, coordenador das Bases Democráticas Galegas
Celso Comesaña, activista do movemento veciñal
Antón Dobao, activista cultural
Domingos Antom Garcia, profesor de filosofia
Laura Ogando, militante de MNG

Prossegue campanha autodeterminista

2006-05-08T09:11:00.000-07:00

As Bases Democráticas Galegas reiniciárom os actos informativos da campanha soberanista “Estatutos nom. Autodeterminaçom” apresentada publicamente o passado 22 de Fevereiro em Vigo.

O coordenador nacional das BDG Bráulio Amaro e o professor de filosofia Domingos Antom Garcia, participárom na sexta-feira 5 de Maio num novo acto a prol dos direitos nacionais da Galiza, nesta ocasiom no centro social Revira de Ponte Vedra.

As BDG realizam murais ao longo do País

2006-04-25T09:05:00.000-07:00

Estatuto de Nación ou cuestión nacional?

2006-04-20T16:39:00.000-07:00

Roberto Laxe, membro da Coordinadora Estatal da Corrente Vermella

Teñen razón os que defenden a necesidade de debater a situación de Galiza no
Estado español, e na súa derivación, na Unión Europea. Os anos de Aznar
significaron a ruptura do consenso da Transición, baseado nun acordo, máis
ou menos ben asumido, entre a burguesía española e as periféricas. A
monarquía xogaba o papel de bonaparte por riba das “mesquiñas” disputas
entre os burgueses.
Aznar rachou o acordo coa ofensiva sobre Euskadi, as ameazas de que “a
democracia tamén se defende cos tanques” (Mayor Oreja dixti), o relegamento
de Cataluña a un segundo plano en beneficio dos sectores máis reaccionarios
de Valencia e mesmo da capital (plano Hidrolóxico), e o desprezo máis
absoluto con Galiza, exemplificado na actuación na crise do Prestige.
Ese foi un dos motivos centrais da crise do PP e a súa derrota eleitoral o
14M; o outro foi a tremenda mobilización obreira e popular. Un sector da
burguesía española, apoiada nas burguesías periféricas, illaron ao PP e aos
burgueses que representa, e preferiron botar a Aznar para evitar males
maiores. E loxicamente, o debate estaba na mesa. Derrotado o goberno máis
centralista dos anos da restauración monárquica, qué proxecto teñen para
artellar o que se deu en chamar España?

A REFORMA DOS ESTATUTOS.-
Coa reforma dos estatutos pretenden disolver o verdadeiro problema: a
cuestión nacional no Estado español.

Para as burguesías é máis que evidente co fundo da cuestión é a defensa da
legalidade monárquica institucionalizada na transición. Como din a súa
propaganda, os 30 anos de monarquía foron, e son, os mellores anos de
“España”, sobre a base dun empobrecemento da poboacion traballadora, hoxe un
mozo gaña menos que un mozo hai dez anos, e ten menos dereitos laborais. Ao
longo destes anos, a burguesía española, periférica ou non, atopou por fin o
seu lugar no mundo, irmán pequeno dos grandes imperialismos, dos EEUU, da
Alemaña, da Francia.

As multinacionais españolas, teñan sede en Barcelona, Bilbao, Madrid ou
Galiza, corren polo mundo como se foran ianquis. Repsol YPF, Augas de
Barcelona, Gas Natural, Telefónica, Calvo, Zara, BBVA, Endesa, Iberdrola,
etc., etc., son, hoxe, o símbolo da España remodelada coa monarquía. E, como
se foran a súa sombra, os exércitos españois están presentes en medio mundo,
dende Afganistán ate Haiti, na defensa dos intereses “patrios”. Aquí hai
unidade, é o mesmo unha empresa galega en Venezuela ou Arxentina, que unha
española ou catalana, o obxectivo é o de extraer o máximo beneficio da
explotación dos traballadores alí onde se atopen.

Pero as burguesías non son só as grandes multinacionais. Unha burguesía é
unha rede de accionistas, familiares, subcontratas, pequenos e medianos
empresarios, executivos, etc., que teñen os seus intereses ligados, por unha
banda as mesmas multinacionais, e, por outra, ao propio mercado interno.

As pelexas que hoxe atravesan a reforma dos estatutos son, precisamente, as
pelexas entre estes sectores por facerse co mellor cacho da torta do mercado
interno. Porque non se pode esquecer nunca que a parte do leon da plusvalía
que extraen tanto as multinacionais como a pequena e mediana burguesía veñen
da explotación dos traballadores do Estado Español. O PIB español depende,
como calquera outro estado imperialista, nunha porcentaxe moi importante da
inversión no estranxeiro, pero o groso do mesmo, o 75%, prodúcese dentro das
fronteiras, senón non tería sentido mantelas.

E, trala derrota do PP, cuxo proxecto era o de favorecer os capitais
instalados no centro, en Madrid, as burguesías periféricas piden o seu
cacho, que toma a forma do debate pola reforma dos estatutos. Por iso é
importante o debate dos Estatutos, é a maneira de artellar o reparto da
plusvalía xenerada polos traballadores. Por iso, as declaracións dos Méndez
Romeu, dos Vázquez, etc., son, dende o punto de vista burgués, mediocres e
timoratos: son a vella aposta, xa derrotada, do fraguismo, a falacia de nós
non entramos nos grandes debates, e esperamos a ver quen subvenciona as
nosas falcatruadas (Cidades da Cultura, onde están enterrados literalmente
340 millóns de euros; e logo falan da crise da sanidade!).

DE QUE DEBATEN.-
A reforma do Estatuto, e a definición do marco no que se move a sociedade é
importante. Claro que o é. Se ningún sector social da Galiza se recoñecese
como nación, non tería ningún sentido defender o dereito a
autodeterminación.
Pero o feito de ratificarse como nación non resolve o problema: non é unha
cuestión de autoafirmación, senón de loita de clases.

O estado unitario, a definición de España como “una, grande e libre”, é un
berro cun profundo contido económico e político, é unha defensa do seu, do
seu papel de “quen parte e reparte leva a mellor parte”. Así, cando o
Príncipe de Asturias fala da defensa da unidade e a Constitución, fala da
defensa da súa institución, a monarquía, cuxa existencia está ligada a esa
unidade e a esa constitución. Como di o outro, defende o “seu posto de
traballo”, e defendéndoo, protexe os “postos de traballo” e os beneficios de
moitos coma el, que unha república federal mandaría ao paro.

Cando Esperanza Aguirre di que Endesa non se pode ir ao estranxeiro, é
dicir, non a pode comprar Gas Natural, defende os seus intereses como
administración que depende de que Endesa siga realizando os seus beneficios
en Madrid, froito da explotación dos traballadores galegos e españois (o 6%
da enerxía eléctrica española prodúcese na Central Térmica das Pontes de
García Rodríguez), dos traballadores de América Latina, etc. Para Esperanza
Aguirre o que non se pode ir ao estranxeiro son os beneficios, non a
explotación dos traballadores, eso xa está no “estranxeiro”.

Neste confronto atópanse dúas frontes, unha, o do PP e os sectores máis
españolistas do PSOE, os dependentes do aparello do estado herdeiro do
franquismo, coa institución monárquica ao fronte, os militares e a
xudicatura, dous, as burguesías “periféricas”, a socialdemocracia, as
direccións sindicais, que, dentro da estabilidade, queren reordenar o
estado, cara a evitar males maiores.

A loita contra o PP ten o significado de rematar cos herdeiros directos do
franquismo, coa extrema dereita que nunca deixou de controlar os resortes do
estado, pois a súa fronte atópase a monarquía. E contra ela, a reforma dos
estatutos non son máis que intentos timoratos, condenados por si mesmos a
frustrar novamente as aspiracións dos pobos do estado. Fronte á dureza e á
firmeza da dereita, opónselles as tímidas mensaxes dos Zapateros e
Llamazares, que defenden a institución fundamental, a monarquía.
Preocúpalles máis a estabilidade burguesa que respostar as esixencias dos
pobos.

O CAMIÑO DA AUTOTERMINACIÓN E O SOCIALISMO.-
A burguesía galega, cuxo proxecto –que o ten- non vai máis aló da
renegociación do Estatuto co estado central, demostrou historicamente o seu
carácter reaccionario. A súa incapacidade para encabezar o reto do
desenvolvemento dun país condenado polo estado centralista ao atraso deixa,
sen lugar a dúbidas este reto nas mans doutros actores sociais.
A burguesía galega só quere ser parte da renegociación do diñeiro que pon en
cuestión a estructura do estado centralista: se 128 mil traballadores
galegos pagan o seu IRPF en Madrid, para a burguesía galega o problema no é
a recuperación intengra dese diñeiro, senón a negociación da cota que o
Estado devolve. Se o 30% da actividade non mar se produce en Galiza, a
burguesía galega acepta de bon grao que só o 3% volve en investimentos no
Instituto Social da Mariña. A burguesía galega confórmase con coller un
pouco do cacho que o poder central lle dá.

Así, O recente, e fracasado, intento por parte dun sector burgués galego de
recuperar unha empresa, que ten os seus centros productivos na Galiza, pero
a súa cabeza en Madrid, pero que foi galega, Unión Fenosa, demostrou ás
claras o seu verdadeiro carácter.
Nin foron capaces de imporse ao capital español (BSCH e ACS), e afrontaron a
batalla coa derrota na mente: para eles España non ía oporse á compra,
porque eles son “españois”. Pero a realidade demostroulles que español só é
aquel que ten a súa sede en Madrid ou arredores, os demais, como din
Esperanza Aguirre, son “estranxeiros”, e a burguesía española non podía
permitir que a enerxía estea controlada por “estranxeiros”, Iberdrola no
País Vasco, Gas Natural e a opa contra Endesa, e Unión Fenosa en Galiza. Eso
non podía ser, e non foi.

Por iso, a reforma no estatuto, aínda que comece con declaracións xenéricas
sobre o carácter de nación da Galiza, non vai afrontar os problemas centrais
do pobo traballador galego, a precariedade, os baixos salarios, a
emigración, e explotación dos recursos naturais sen ningún investimento dos
lucros xerados, a drenaxe do aforro galego para fora, a falta de
reinvestimento, a drenase do aforro galego para fóra, o desinvestimento nos
servizos (transporte publico, sanidade,...), etc. Non pode afrontalos,
porque isto suporía rachar coa monarquía centralista, e avanzar cara unha
república federal, baseada no recoñecemento do dereito á autodeterminación.

Avanzar neste camiño, é dicir, un reordenamento da Galiza baseado na
prohibición por lei da precariedade, a suba dos salarios ata chegar á media
española, o reinvestimento dos lucros xerados polos traballadores galegos no
desenvolvemento das infraestructuras e servizos, etc., supón rachar coa
división do traballo imposto polo capital español e galego, rematar co papel
dependente e subsidiado da sociedade galega.

E o plano do goberno bipartito non é ese. Para un sector do bipartito, o
PSdG, o máximo está en mellorar as condicións nas que se produce man de obra
cara á emigración, por iso o esforzo nos orzamentos no I+D, e o escaso apoio
que lle deu á tentativa de comprar Unión Fenosa, non por quen a domine,
senón porque a súa marcha significou a desaparición de 800 postos de
traballo directos (as declaracións de Touriño, “confiando” na boa vontade de
Gas Natural ou de Florentino Pérez para con Galiza é a vella historia do
subvencionado); para o BNG é o de presionar para que as “subvencións” sexan
mellores: van votar os orzamentos estatais porque lle dan 30 millóns de
euros máis do previsto.

O plano do bipartito é integrar Galiza nos novos eidos da política española,
mantendo a estabilidade burguesa. Pero a resolución dos problemas do pobo
traballador non teñen nada que ver coas contas de resultados dos
capitalistas, nin coas súas relacións de forza.

O pobo traballador ten que ser independente das liortas nas que se meten
cara á resolución das súas contradiccións. A dependencia de Galiza do Estado
inflúe dunha maneira directa nas condicións de vida dos traballadores, da
mocidade, a condena a elixir entre a precariedade ou a emigración; pero a
saída non esta no seu illamento do conxunto da poboacion traballadora
española.

O estado español, namentres exista unido, é o inimigo fundamental ao que
oporse. Levantar a política do dereito a autodeterminacion, é dicir, da
resolución da cuestión nacional co recoñecemento da soberanía dos pobos, vai
ligado a loita contra o réxime que as burguesías, tanto a española como as
periféricas, se deron e seguen defendendo, a monarquía “juancarlista”; e esa
loita esixe a maior unidade dos traballadores do Estado.

É máis. Nas circunstancias actuais, nas que o 60% da lexislación española
depende da Unión Europea, e que politicamente a implicación do estado no
conxunto da UE supón a ligazón da estabilidade burguesa do conxunto da
Unión, o camiño da soberanía nacional galega só é posible facelo da man dos
traballadores españois e europeos.

A denuncia da reforma do estatuto galego baséase na esixencia da resolución
da “vella” cuestión nacional do estado español e a esixencia dunha
verdadeira solución do conflicto social que se atopa no fundo. A reforma do
estatuto non vai dar resposta nin a un nin a outro.

A soluçom nom é olhar para outro lado

2006-04-09T16:37:00.000-07:00

Igor Lugris é membro da Direcçom Nacional de NÓS-UP

Nas comarcas galegas da faixa oriental, o Berzo e a Cabreira, oficialmente em território da província de Leom, a Seabra também oficialmente na província de Samora (ambas as duas províncias da Comunidade Autónoma de Castela e Leom), e no Eu-Návia (nas Astúrias), estamos a sofrer as conseqüências da falta de decisom, valentia e coragem por parte do conjunto do nacionalismo galego (incluído o independentismo) nos últimos, como minimo, 30 anos.

Se bem praticamente todas as organizaçons do nacionalismo no período assinalado (e algumhas mesmo desde antes, como é o caso do periódico galego A Fouce, editado na Argentina pola Sociedade Nacionalista Pondal), recolhiam ou recolhem umha defesa, mais ou memos morna, mais ou menos decidida, segundo os casos, da galeguidade destas terras, ou de algumha delas, o certo é que desde o ano 1975 até a actualidade nom tem havido umha acçom política real nesse sentido.

Como resultado dessa inaniçom, hoje em dia as comarcas orientais, aquele território que historicamente deu em ser chamado a Galiza irredenta, conhece um forte e acelerado processo de perda de identidade lingüística, cultural e política, ao tempo que avança sem praticamente achar resistência umha identidade espanhola que pretende negar qualquer possibilidade de que estas comarcas conheçam e/ou recuperem a sua memória, a sua história e a sua identidade. Este processo, vive-se dumha maneira muito mais virulenta no território do Eu-Návia, onde os sectores mais reaccionários e antigalegos do nacionalismo e da esquerda nacionalista asturiana, gasta mais esforços em combater a galeguidade daquelas terras do que o próprio espanholismo que tenhem dentro do seu território.

Hoje em dia, tam só NÓS-Unidade Popular mantém umha estrutura, fraca, mais real, em algumha destas comarcas, visando construir também no Berzo, tal como no conjunto da naçom, a esquerda independentista que Galiza e o seu povo trabalhador precisam. Mas o trabalho político da esquerda independentista no Berzo desenvolve-se numha situaçom muito distinta à existente dentro da Comunidade Autónoma Galega.

Em primeiro lugar, porque os sectores políticos, sociais, sindicais, juvenis, com os que NÓS-UP mantém relaçons ou colabora, nom existem no Berzo. Nom existe nengumha organizaçom (plataforma, grupo político, organizaçom social, sindical, juvenil, etc.), que seja quem de dar forma e de acumular forças no caminho de converter o Berzo numha comarca com capacidade para se autogovernar e decidir livremente o seu futuro dumha óptica de esquerdas.

Assumir realmente a questom berziana (e o mesmo pode ser dito das demais comarcas arraianas), supom denunciar e rejeitar a actual divisom político-administrativa emanada da Restauraçom Borbónica, e abrir o que para os grandes partidos de obediência espanhola é a Caixa de Pandora da reorganizaçom territorial. Nengumhas das organizaçons de obediência estatal, sejam partidos, sindicatos ou organizaçons juvenis, vam poder avançar nesse sentido.

É dos sectores progressistas, de esquerda, alternativos e revolucionários de onde tem de vir a resposta. E aí deve estar presente a esquerda independentista galega, dinamizando estruturas que possibilitem a confluência desses sectores, trabalhando com eles, criando espaços comuns.

E para isso nom pode aplicar-se a mesma recita que o nacionalismo e o independentismo galego vem aplicando nas últimas décadas: resolver o problema da Galiza irredenta a olhar para outro lado.

(Este artigo foi publicado originalmente no número 35 (correspondente ao primeiro trimestre de 2005) do Abrente, vozeiro de Primeira Linha.

BDG apresentam em Vigo campanha pola autodeterminaçom

2006-02-26T09:02:00.000-08:00

A biblioteca municipal de Vigo acolheu a quarta-feira 22 de Fevereiro o primeiro acto público de apresentaçom da nova campanha soberanista das Bases Democráticas Galegas.

Sob a legenda Estatutos nom. Autodeterminaçom Braúlio Amaro, coordenador das Bases, Antolín Alcántara da Executiva Confederal da CIG, e o filósofo Domingos Antom Fernandes, como três dos primeiros promotores da iniciativa suprapartidária e unitária a prol dos direitos nacionais e democráticos do povo galego, nascida em Janeiro de 2004, analisárom a actual situaçom da Galiza.

Braúlio Amaro denunciou a conculcaçom dos direitos nacionais e sociais do povo trabalhador galego, da incapacidade de pode decidir o futuro colectivo da naçom Galiza polos restringidos parámetros sobre os que os partidos institucionias com representaçom no parlamento galego querem abordar a modificaçom do Estatuto de 1981. O coordenador das Bases foi talhante à hora de definir ao "povo galego como único sujeito e Galiza como ámbito soberano de decisom" como premissas fundamentais para poder participar com as mínimas garantias democráticas num debate que semelha nascer furtado.

Posteriormente o dirigente da CIG incidiu na necessidade de ligar soberania nacional com a defesa dos direitos da classe trabalhadora. Antolín Alcántara manifestou o "marcado carácter de classe do projecto imperialista espanhol" que justifica a negativa a questionar essa unidade de mercado chamada Espanha, e denunciou a orientaçom do nacionalismo maioritário, defendendo a necessidade de recuperar os postulados soberanistas do movimento nacionalista galego, e de dar passos firmes e imediatos na construçom dum amplo e plural movimento autodeterminista alicerçado sobre essa imensa maioria social que hoje conforma o povo galego: a classe trabalhadora.

O ex-presidente da Aula Castealo de Filosofia denunciou a hipocrisa da política espectáculo, a corrupçom intrínseca da política burguesa e a grave situaçom que atravessa a naçom galega por mor da carência de soberania nacional.

Nas vindouras semanas actos semelhantes terám lugar em diversas localidades do nosso País.

A avestruz platónica

2006-02-13T16:36:00.000-08:00

Xurxo Borrazás é escritor

Hai moitas maneiras de facer política. Por exemplo, dentro ou fóra das institucións.
Hai quen pensa que estar nas institucións é de por si mellor que non estar, con independencia do que se faga nelas. Vaia, xa me escapou a palabra.
Hai quen pensa que a política é, de feito, pelexar por entrar nas institucións. Hai mesmo quen pensa que "política" é unicamente o que se fai desde as institucións, máis nada. Fóra delas exténdese unha selva inzada de maleza, feras, miasmas e infecións.
Hai quen pensa que a política é un despacho coas pernas abertas ou un coche oficial de 200 CV coa melena ao vento.
Hai quen pensa que facer política é mandar, outros que decidir, outros que chegar a acordos.
Outros e outras pensamos que é defender as ideas; e se é posíbel, chegar a acordos. Defender as ideas, ás veces por verdadeiras e ás veces por nosas. E chegar a acordos sen abdicar delas. Ou non chegar a acordos.
Fronte a nós hai quen pon o acordo diante das ideas. As ideas, din, son volubeis. A linguaxe política é ambigüa. A linguaxe é en xeral unha macroestructura autoreferente de oposicións recíprocas, silenzos e convencións. Para estes apóstoles do acordo, "as ideas son apenas linguaxe e a linguaxe non pasa de verborrea, un campo de minas. Quen dixo que para facer política se precisen ideas? Precísase unicamente capacidade de negociación e espírito de chegar a acordos." Na súa opinión as ideas son un atranco, limitan as posibilidades de chegar a eses acordos. "É mellor a comunicación, o saber transmitir, a transparencia de superficie; crear en torno a nós unha campá de baleiro a base de metáforas suxestivas que parezan agochar un enigma, un as na manga, un espazo propio desde o que poder acordar e decidir con independencia. Merda, outra vez."
"Podemos falar de estatuto, coma se fosemos unha federación deportiva. Podemos chegar a país, polo viño e o queixo. Mirade, hoxe collédesme de boas e estou disposto a pronunciar nación, máis xa non podo, de verdade. Haberá que compilar citas históricas, do século de ouro; remexer entre as acepcións perdidas do dicionario da real academia, española. Haberá que discutir se no preámbulo ou no articulado, se con maiúsculas ou minúsculas: en todo caso coa boca pequena, así xa cumprimos e non se cega a posibilidade de finalmente chegar ao anceiado acordo, que para iso nos elixiu a cidadanía, non para que nos encerellemos en debates estériles e bizantinos que non conducen a nada, só a un calexón sen saída nen retorno, con independencia de cal sexa á fin o termo escollido. Temos un contrato cos cidadanos e Un país non se para por unha palabra. Puaff! Esta frase é caralluda, che! Apúntama aí, non vaia ser que me esqueza."
Hai agora político arreo que vai directamente a polo consenso sen plantexarse cales son as súas ideas. Traballan polo Futuro, o Progreso, a Liberdade, o Benestar, a Igualdade... Son o governo de todos os galegos e galegas. Xa o dixemos, o seu non é a verborrea, senón o traballo e o compromiso, a suma de esforzos e vontades. Ventan o aire a leste e oeste e preséntanse na mesa de negociación co estatuto de consenso na man e as ideas propias no album de fotos. Ante as bases explícanse argüíndo que é un movemento estratéxico, que hai que limar e puír, pero as ideas non aparecen nunca. Non aparecen porque vai deixando de habelas. Foron sustituídas pola febre dos acordos. Mellor pensar iso que non no peor: en que baixo esa aparencia anódina si haxa ideas.
Escoitan falar de autodeterminación e unha alerta dispárase na parte traseira dos seus bulbos raquídeos, como a lembranza difusa dun trauma infantil, felizmente superado, un proído recóndito. Logo atan cabos, suplican que ninguen levante a voz, que hai nenos diante, e acaban parindo unha metáfora xenial: "por que non o deixamos en capacidade de decidir, tripular a nave do noso futuro, algo así?"
Eles, que nas súas manis berraban independencia sílaba a sílaba para que se entendese ben. Naquel tempo en que non estaban nas institucións, tiñan a décima parte dos votos de agora e non pedían a saída da volta ciclista a España nin falaban castelán na intimidade nin encabezaban procesións relixiosas nin dicían que o rei de Franco os entendía mellor que o governo nin se fotografaban en vehículos de guerra nin en calesas folklóricas con fascistas en ruínas.
"Mira, machiño. Isto é coma facer un túnel. Nós somos a máquina de furar dun lado e os de Madrid a do outro lado. E tanto uns coma outros debemos ir tanteando e medindo para á fin ser capaces de atopármonos a medio camiño, chocar a man e botar un brinde. Do contrario seguiriamos eternamente como as toupas, no fondo da terra. E o túnel neste caso é o Estatuto. Enténdese?"

A autodeterminación un direito irrenunciábel

2006-02-08T16:34:00.000-08:00

Bráulio Amaro Caamaño. Coordenador das Bases Democráticas Galegas

A Autodeterminación é o proceso político polo cal o conxunto dun Pobo decide, con plena potestade e sen calesquera inxerencias externas, o seu destino: a súa relación co resto de nacións, o seu modelo político e económico, o papel da súa lingua e cultura. Galiza é un Pobo, unha comunidade humana dotada de acusados trazos que a singularizan, é unha nación, colectivo en permanente construción e desexo constatado de ser e de plasmar a súa existencia en institucións propias.
O noso País non conseguiu aínda, por múltiplas razóns, chegar a ese mínimo indispensábel para toda nación que é a libre decisión do seu futuro. O mesmo marco institucional que tentou e tenta negar a súa existencia -ou, nalgún dos casos, desvirtuala até a deformación-, facéndoa un apéndice peculiar de España, negouse e négase en rotundo ao recoñecemento dun marco galego de decisión que poida cuestionar unha suposta patria única que veu dada por guerras e conquistas e se sitúa por cima de persoas e direitos.
Por moito que unha insistente campaña mediática nos faga asociar a Autodeterminación cunha proposta anacrónica e fóra de lugar no mundo do século XXI, son os seus fanáticos detractores quen se sitúan fóra da historia, os que non lembran os novos Estados nacidos nos inicios do século XX, como Noruega, Irlanda ou Finlandia, as descolonizacións da segunda metade da centuria, como a arxelina, ou o novo mapa das nacións surxido a inicios da década dos 90 na Europa Central e Oriental ou mesmo o caso de Timor Lorosae, por no falar de Quebec. Acaso non se aplicou o direito de autodeterminación no caso da extinta URSS?, que si recoñecía este direito na súa constitución.
Curiosamente a coerencia política desta defensa do direito de autodeterminación levou a incluír este direito na Constitución da URSS, sendo "exercitado" este na década dos 90 despois do desastre da "perestroika" de Gorvachov, Ieltsin e demais colegas, iso si esta vez co aplauso, beneplácito e admiración das potencias imperialistas occidentais, que así consumaban por "vía democrática" a desaparición e o esnaquizamento da URSS e a criación de numerosas e pequenas repúblicas que pouco a pouco irían caendo as mans do imperialismo, de formas máis ou menos dramáticas. Eis aí un exemplo nidio da nova orde mundial, aínda que en realidade sexa a mesma e vella orde imperial.
Semella que o proceso de autodeterminación na Europa rematou cando os intereses imperialistas franco-alemáns-ianquis foron satisfeitos ( antiga URSS, Iugoslavia, Croacia, Kosovo, Chequia, Eslovaquia,......) e que as diversas nacións sen estado actuais non poden exercer o seu lexítimo direito á autodeterminación.

Quen quere esmagar pobos e nacións con todas as ferramentas ao seu alcance parece esquecer que estas se resisten, e que a súa vitalidade dá lugar a novos Estados xurdidos da vontade maioritaria da súa poboación. O feito é aínda máis grave: din estar co mundo de hoxe -o inxusto e invivíbel mundo de hoxe-, mais descoñecen tamén aqueles logros que costosamente as persoas e colectivos oprimidos conseguiron introducir na lexislación e en distintos tratados internacionais.
Son os defensores a ultranza do cadro xurídico-político español quen están fora da Historia e ben lonxe dos aires de progreso que aínda corren nalgunhas partes do mundo grazas aos esforzos denodados de tantos e tantas por non ceder direitos esenciais. Son eles, os mesmos que desde os seus potentes altofalantes demonizan e ameazan a quen, sen outra ambición que facer valer o que é xusto, din alto e claro que a Autodeterminación é posíbel e, como todo direito básico, irrenunciábel.
Iniciativas como as que estamos a suscitar as denominadas "BASES DEMOCRÁTICAS GALEGAS"(www.basesdemocraticasgalegas.org) resultan máis que nunca necesarias para poder defender de xeito decidido un direito democrático fundamental como é o directo de autodeterminación.

Foro de Opinión

2006-02-07T16:43:00.000-08:00

:: Fraude estatutária e autodeterminaçom [Carlos Morais] [23/06/06] [+]

:: Estatuto de Nación ou cuestión nacional? [Roberto Laxe] [20/04/06] [+]

:: A soluçom nom é mirar para outro lado [Igor Lugris] [09/04/06] [+]

:: A avestruz platónica [Xurxo Borrazás] [13/02/06] [+]

::A autodeterminación un direito irrenunciábel [Bráulio Amaro Caamaño] [08/02/06] [+]

Estatutos Nom. Autodeterminaçom

2006-01-01T09:01:00.000-08:00

Um amplo consenso institucional e partidário quer fazer-nos acreditar na salvaçom das reformas autonómicas. Os inúmeros problemas estruturais que aqueixam a Galiza -da precariedade laboral à crise demográfica, passando pola desapariçom do idioma ou a emigraçom da juventude- teriam o seu atalho numha reforma institucional dirigida polos partidos institucionais e avalada polo assentimento passivo da imensa maioria da nossa sociedade.

Na procura deste aval recorrem ao consenso, que é a via mais antidemocrática que existe: é o acordo com aqueles que nom querem ouvir falar da recuperaçom do IRPF de milhares de trabalhadores e trabalhadoras galeg@s, da proibiçom da precariedade ou a subida dos salários,... Nos factos, aceitar o consenso é aceitar os estreitos marcos impostos polo regime.

A reforma que nos anunciam nom terá capacidade para marcar nenhum ponto de inflexom na nossa trajectória colectiva. Toda refundaçom real do estatus político galego passa polo debate livre e sem constrangimentos da questom verdadeiramente fulcral: a soberania nacional. Qualquer proposta de reforma que contemplar só umha das saídas possíveis ao debate soberanista -a autonomia- como ponto de partida e horizonte intransponível é pura e simplesmente um engano desonesto. Só quando, num verdadeiro processo de autodeterminaçom nacional, concorrerem em pé de igualdade todas as propostas -da independentista à unitarista, com todas as gamas intermédias- para dar lugar a um processo constituinte, poderemos falar de condiçons mínimas de democracia para a Galiza. No entanto, com o exercício de umha "soberania espanhola" que bloqueia de facto em Madrid toda proposiçom ambiciosa e relevante, o debate nasce trucado e falso. Da mesma maneira, toda reformulaçom nacional-territorial que só contemplar como quadro de partida a actual comunidade autónoma galega, excluindo os territórios nacionais do leste nom reconhecidos, exclui também dúzias de milhares de galeg@s do pretenso debate democrático.

O devandito confirma umha intuiçom já partilhada por muit@s: assistimos a um debate de elites políticas blindado à participaçom, e que visa restringir artificialmente os limites do discutido para gorar a possibilidade de mudanças de fundo. Apesar do pánico fingido da extrema-direita do PP, que agita os fantasmas da reforma estatutária para coesionar as suas bases e preparar um novo assalto ao governo do Estado, o exercício do direito de autodeterminaçom fica excluído das reformas. Tampouco é por acaso, neste sentido, que com toda a balbúrdia suscitada pola polémica dos estatutos, nenhumha voz com a mínima projecçom pública se atreva a pôr em causa a figura da monarquia. Hoje, como há três décadas, a aposta por umha reformulaçom democrática radical e sem limites prefixados do quadro constitucional passa polo combate aberto e sem entraves à instituiçom monárquica como elo continuador do franquismo na actual democracia tutelada.

Os partidos governantes na Galiza tencionam motivar no povo um entusiasmo que nom existe. O debate de elites, em que cada bando concorrente precisa do apoio legitimador e puramente passivo do tecido associativo, nom responde aliás a um impulso sincero e real da nossa sociedade. Quando as duas forças do bipartido reconhecem a sua vontade de pactuarem o novo estatuto com a extrema-direita, o resultado regionalista do processo está marcado de antemao. O debate das reformas estatutárias é a tentativa mais recente de desactivar de vez, fundamentalmente, as potentes reivindicaçons nacionais do País Basco e a Catalunha. O Estado espanhol precisa de solucionar de umha vez por todas as tensons territoriais nom resolvidas, ganhando a ansiada paz social e institucional e afrontando com maiores garantias de sucesso os reptos que lhe impom a aposta neoliberal que segue com os seus acompanhantes da UE.

Para a Galiza nom ficar absolutamente fora de jogo nesta nova conjuntura, para poder dar mais um passo, por mínimo que for, no caminho ao reconhecimento dos seus direitos colectivos, cumpre agir de maneira organizada. No nosso país, umha minoria social muito destacada, implicada nas mais variadas frentes de intervençom, tem sustentado historicamente a exigência da autodeterminaçom galega, ligada sempre a projectos de transformaçom social. O trabalho constante deste corpo organizado ao longo de décadas tem possibilitado a sobrevivência do nosso projecto nacional e a permanência das reivindicaçons populares muito diversas enquadradas na vontade de soberania plena. Cumpre reagruparmos as forças num projecto suprapartidário que desmonte ponto por ponto as falácias da reformas situando a autodeterminaçom como reivindicaçom inadiável, que ponha radicalmente em causa um modelo de Estado alicerçado na monarquia bourbónica e denuncie sem ambages os ataques reiterados aos direitos e liberdades que sofre o soberanismo no seu conjunto. As Bases Democráticas Galegas recomeçam a sua andaina para levar de novo às ruas estas reivindicaçons elementares.

Galiza, Janeiro de 2006

Na defensa dos nosos direitos democráticos

2005-12-01T17:24:00.000-08:00

Despois da desaparición do goberno Fraga Iribarne e o relevo no Estado español pola socialdemocracia do goberno cuartelario do Partido Popular, semellaban abrirse, en moitos sectores populares, certas expectativas de avance democrático. Mais os feitos veñen a manifestar a fraxilidade de tales expectativas: Seguen sen recoñecerse os direitos nacionais das nacións que conforman o actual estado español, segue vixente a antidemocrática Lei de Partidos, mantense os tribunais de excepción como a Audiencia Nacional, ingresa en prisión Lluis Mª Xirinacs, comeza o proceso 18/98 contra 56 cidadáns bascos, mantense a presenza de tropas españolas en Afganistán e Haití, continúa o acoso contra toda disidencia política, social. Sindical e xuvenil....... A democracia de moi baixa intensidade segue o seu curso.

Mais se todo isto non fora pouco, na Galiza asistimos con alarma a un acoso, persecución e criminalización sen precedentes contra os movementos xuvenís organizados, eis as operacións "Cacharrón" contra BRIGA e a última e máis espectacular se cabe contra AMI, particularmente importante é a debilidade xurídica das imputacións feitas aos detidos e detidas, aos que ademais lles foi negada a presunción de inocencia desde o circo mediático - político-policial que se montou ao seu redor,aquí na Galiza. Asistimos tamén no decurso desta operación ao asalto dos centros sociais O PIchel, a Esmorga e a Revolta, nestes asaltos non só foron incautados computadores, documentación privada destes centros, mesmo tamén foron espoliados economicamente.
As Bases Democráticas Galegas temos que amosar a nosa fonda preocupación pola violentación de direitos fundamentais, polo recorte dos nosos direitos civís de expresión. asociación, pola falla de consideración da presunción de inocencia de calquera detido ou detida, pola criminalización de opcións políticas e ideolóxicas.
Dende as Bases Democráticas Galegas entendemos que é hora de saír á rúa e berrar contra todas estas agresións e contra o continuísmo das políticas represivas establecidas, por falar dun pasado recente, nos oito ano de goberno do Partido Popular.

Galiza, Decembro de 2005

Na defesa dos nossos direitos democráticos

2005-12-01T09:00:00.000-08:00

Depois do desparecimento do Governo Fraga Iribarne e o relevo no Estado espanhol pola social-democracia do Governo quartelário do partido Popular, semelhavam abrir-se, em muitos sectores populares, certas expectativas de avanço democrático. Mas os factos venhem manifestar a fragilidade de tais expectativas: continuam sem serem reconhecidos os direitos nacionais das naçons que conformam o actual Estado espanhol, continua vigente a antidemocrática Lei de Partidos, mantenhem-se os tribunais de excepçom como a Audiência Nacional, Lluis Mª Xirinacs em prisom, começa o processo 18/98 contra 56 cidadaos bascos, mantém-se a presença de tropas espanholas no Afeganistám e Haiti, continua o assédio contra toda a dissidência política, social, sindical e juvenil... a democracia de muito baixa intensidade segue o seu curso.

Mas, se isto todo nom fosse pouco, na Galiza assistimos com alarme a um assédio, perseguiçom e criminalizaçom sem precedentes contra os movimentos juvenis organizados; eis as operaçons "Cacharrón" contra BRIGA e a última e mais espectacular se cabe contra a AMI, particularmente importante é a fraqueza jurídica das imputaçons feitas aos detidos e detidas, a quem ainda foi negada a presunçom de inocência a partir do circo mediático-político-policial que se montou à sua volta, aqui na Galiza. Assistimos também no decurso desta operaçom ao assalto dos centros sociais O Pichel, A Esmorga e A Revolta. Nestes assaltos, nom só fôrom incautados computadores, documentaçom privada destes centros, como também se produzírom espoliaçons económicas.

As Bases Democráticas Galegas temos que mostrar a nossa funda preocupaçom pola violentaçom de direitos fundamentais, pola restriçom aos nossos direitos civis de expressom e associaçom; pola falta de consideraçom da presunçom de inocência de qualquer detido ou detida, pola criminalizaçom de opçons políticas e ideológicas.

Das Bases Democráticas Galegas entendemos que som horas de sair à rua e berrar contra todas estas agressons e contra o continuísmo das políticas repressivas estabelecidas, por falar dum passado recente, nos oito anos de governo do Partido Popular.

Galiza, Dezembro de 2005

Nova iniciativa das Bases Democráticas Galegas: campanha "Estatuto NOM. Autodeterminaçom"

2005-11-29T08:59:00.000-08:00

Depois das eleiçons do passado mês de Junho, conformou-se um novo cenário político onde a revisom, a reformulaçom ou a modificaçom do actual marco estatutário vai ser um dos eixos da actualidade política galega. Polo que vimos observando até agora, a inclusom do conceito do direito de AUTODETERMINAÇOM nom vai ser objecto, nem sequer tangencial, do novo Estatuto Galego.
Como dizíamos no manifesto de lançamento das Bases Democráticas Galegas, lá polo mês de Janeiro de 2004: " A necessidade de situar em primeiro plano algúns dos aspectos fundamentais que lhe permitem a toda colectividade reconhecer-se como subjeito político e construir o seu presente e o seu futuro livremente. Pensar num projecto colectivo de Naçom Galega implica rescatar o valor de princípios irrenunciáveis: autodeterminaçom e democracia nos seus significados plenos, defesa da língua e da cultura de Galiza e um marco galego de relaçons laborais", seguem a manter totalmente toda a súa vigência.
A Autodeterminaçom é o processo político polo qual o conjunto dum Povo decide, com plena potestade e sem quaisquer ingerências externas, o seu destino: o seu relacionamento com o resto de naçons, o seu modelo político e económico, o papel da súa lingua e cultura. Galiza é um Povo, umha comunidade humana dotada de acusados traços que a singularizam, e umha naçom, colectivo em permanente construçom e desejo constatado de ser e de plasmar a sua existência em instituiçons próprias. O nosso país nom conseguiu ainda, por múltiplas razóns, chegar a ese mínimo indispensável para toda naçom que é a livre decisom do seu futuro.
Nestas coordenadas, consideramos imprescindível realizar umha campanha que ponha em primeiro lugar a necessidade de reconhecer os direitos nacionais do povo galego, a necessidade de reconhecer o facto nacional galego e o seu ámbito próprio de decisom, que som hoje negados sistematicamente polo actual quadro jurídico-político, que nom reconhece mais subjeito soberano que as suas próprias instituiçons. Hoje os alicerces culturais, económicos e identitarios que nos caracterizam como povo diferenciado estám em perigo de esmorecer por mor da pressom quotidiana e por vezes opaca do capitalismo, e do irrealizável projecto de naçom espanhola com que a Galiza entra numha contradiçom só superável com o exercício efectivo da autodeterminaçom.
A campanha que vamos desenvolver neste espaço de tempo tem que esclarecer que um Estatuto de autonomia é um resultado tam legítimo como outro qualquer dum proceso de autodeterminaçom, mas a autodeterminaçom sempre vai antes. Nom fazemos mais do que repetir o dito nos textos fundacionais, onde nos declarávamos abertos a todas as saídas que a autodeterminaçom possibilita: da independência à dependência, mas sempre como resultado exclusivo do que decidirmos os galegos e galegas e sem ingerência espanhola; temos que ser o subjeito político da decisom como povo.

A campanha que plantejamos será pois umha campanha soberanista e nom estatutista destinada a ganhar gente que se sente fora do mercadeio político reinante em todos os ámbitos. Nesta campanha nom queremos deixar passar duas questons especialmente importantes: o questionamento radical da monarquia como elemento imprescindível de qualquer "democratizaçom" real do Estado, e a necessidade da implicaçom popular directa na toma de decisons contra a práctica actual das elites políticas.

Galiza, Novembro de 2005

Foro de Opiniom

2005-02-06T17:01:00.000-08:00

Abrimos na web das Bases Democráticas Galegas un foro de opinión aos que poderás dirixir os teus artigos de opinión, só tes que ter en conta que:

- Deberán ter relación cos puntos programáticos da iniciativa que impulsamos dende as BDG:
1- Galiza é unha nación. Ten dereito ao exercicio de autodeterminación.
2- O Pobo galego e Galiza son o único suxeito e ámbito soberano de decisión.
3- Democracia real e participativa. Cesamento do recorte das liberdades.
4- Plena normalización do galego como lingua propia de Galiza.
5- Marco galego de relacións laborais.
6- A nación galega non se cinxe exclusivamente ao território actual da CAG.

- Respetaremos a normativa na que escrebes.
- Non deberán ser excesivamente longos, por razón da capacidade da web.
- Poderán evidentemente ser publicados en calesquera medio de comunicación pola túa parte.
- As opinións verquidas son da túa exclusiva responsabilidade, é dicer as BDG non se fan copartícipes ou corresponsabeis das opinións manifestadas nos artigos.
- Terás que ter un pouco de paciencia para ver colgados na nosa web os teus artigos
- Deberás dirixir os teus artigos ao seguinte enderezo:

forodasbases@gmail.com

Bráulio Amaro. Coordenador das BDG

Entrar no foro

25 de Jullo: Autodeterminación

2004-07-25T16:21:00.000-07:00

As Bases Democráticas Galegas constitúen unha iniciativa promovida por un grupo de persoas diversas vencelladas a diferentes ámbitos de Galiza. Esta proposta xorde da necesidade de situar en primeiro plano algúns dos aspectos fundamentais que lle permiten a toda colectividade recoñecerse como suxeito político e construír o seu presente e o seu futuro libremente. Pensar nun proxecto colectivo de Nación Galega implica rescatar o valor de principios irrenunciábeis: autodeterminación e democracia nos seus significados plenos, defensa da lingua e da cultura de Galiza e un marco galego de relacións laborais. As Bases Democráticas Galegas configuran unha iniciativa non partidaria de mulleres e homes que promoven a articulación dun proxecto de resistencia fronte á orde existente, unha proposta activa de encarnación dun novo poder constituínte.

O feito nacional galego e o seu ámbito propio de decisión son negados sistematicamente polo actual cadro xurídico-político, que non recoñece máis suxeito soberano ca as súas propias institucións. Hoxe os alicerces culturais, económicos e identitarios que nos caracterizan como pobo diferenciado están en perigo de esmorecer por mor da presión cotiá e por veces opaca do capitalismo e do irrealizábel proxecto de nación española co que Galiza entra nunha contradición só superábel co exercicio efectivo da autodeterminación. O proxecto imperialista español só admite a homoxeneización e a disolución das culturas e nacións peninsulares na obrigada unidade de España consagrada de maneira abertamente coercitiva pola Constitución Española que Galiza nunca aprobou. Velaí o ataque frontal aos dereitos democráticos máis elementais e a persecución política, mediática, policial e xudicial contra toda disidencia, contra calquera discrepancia; unha persecución que abrangue desde a esquerda independentista vasca, aos tres traballadores lugueses condenados por participaren nun piquete nunha Folga Xeral, a prohibición do exercicio da liberdade de expresión e a represión aos diferentes colectivos, nomeadamente á militancia da esquerda independentista, as condenas a persoas de diferentes colectivos sociais ou a gravísima e recente sentencia do TSXG sobre a Folga da empresa de transporte "Castromil".

Nin Galiza nin o Estado español son unha illa no mundo. Nestas datas asistimos como espectadores -outro papel non nos é outorgado- ao chamado proceso de construción europea. Mais a Europa que se institucionaliza non responde ás necesidades democráticas e de liberdade dos pobos que a conforman; moito menos aos intereses das súas clases populares. É un proxecto pensado por e para as corporacións capitalistas, para fixar en lei as súas aspiracións de dominio absoluto sobre os pobos, as mulleres e a clase traballadora. Os suxeitos soberanos da Constitución europea non son os pobos, senón os estados e as súas elites gobernantes, xestoras dos negocios do Capital. A reivindicación democrática dunha Europa dos pobos, das súas culturas e das súas linguas, é profundamente contraditoria con un proxecto constitucional europeo que nega o dereito de autodeterminación como alternativa á uniformización e ao proxecto excluínte da chamada globalización capitalista. Falarmos da Constitución europea implica posicionarnos politicamente e evidenciar a súa profundidade antidemocrática, denunciar a transcendencia relixiosa e os intereses neoliberais e imperialistas. É unha constitución xenófoba, que consagra a liberdade do Capital ao tempo que impide o libre movemento das persoas, lexitima e perpetúa a dominación e explotación das mulleres. É antidemocrática, antisocial e belicista. Institucionaliza a Europa do Capital, dos Estados, do Patriarcado e da Guerra. Nega os dereitos dos pobos e dos traballadores e traballadoras.

O Capital non admite barreiras á explotación. A guerra imperialista é unha das manifestacións deste proceso de supeditación de toda forma de vida aos designios do mando capitalista. A espoliación de recursos, o reparto desigual da riqueza e os seus efectos en pobos e continentes enteiros profundiza na exclusión dun número crecente de seres humanos e crea as condicións da confrontación. A xenofobia e o patriarcado son instrumentos de control que xeran un freo significativo para a mellora das condicións de vida e do benestar de todos os seres humanos. A destrución dos sectores públicos e a despolitización da economía, a súa independencia das decisións políticas, a creba dos servizos públicos, a reclusión da participación democrática nas canles estritamente institucionais, a privatización do mundo na súa totalidade; velaí o proxecto de capitalismo global ao que nos enfrontamos.

Nunca tanta riqueza potencial, tanto desenvolvemento das forzas produtivas xerou tanta pobreza, tanta explotación e tantas formas de exterminio masivo. A supervivencia do planeta está en perigo. É tempo de construírmos outro mundo, hoxe, desde unha Galiza concibida como simple peza prescindíbel da engrenaxe da acumulación capitalista. Nunha Galiza en situación de crise prolongada, de destrución sistemática do seu tecido produtivo, de sometemento ás políticas clientelares que proxectan convertela nun deserto humano atravesado de autovías que conducen á emigración, á destrución do patrimonio cultural e natural, á sobreexplotación, a ningures... Seguimos acreditando na necesidade de os galegos e as galegas construírmos sen pexa ningunha o noso futuro colectivo, de os traballadores e as traballadoras apropiármonos do produto do noso traballo.

Porque, con todo, Galiza vive un tempo intenso que nos dá leccións e desmentidos se analizamos a realidade alén do estreito marco da cadea electoralista a que é sometida a política. A nación da que falamos achega a súa forza a esoutro mundo posíbel que atravesa o mundo con múltiplas manifestacións de resistencia. E faino demostrando a súa singularidade e vontade de existencia: protagonizando as maiores mobilizacións estudantís de Europa ao berro de Non á LOU, mediante o que a nosa mocidade impugnou radicalmente un futuro de explotación e sometemento; manifestándose contra a Europa do Capital e contra a Globalización, solidaria con todas as resistencias ao capitalismo; erguéndose masivamente en Folga Xeral contra os ataques aos dereitos conquistados polo proletariado; chantando o clamor do Nunca Máis contra o atentado social e ambiental e os seus responsábeis e substituíndo na práctica o Estado pola autoorganización asemblearia, verdadeira institución política das multitudes; facendo das rúas a negación decidida da guerra imperialista, movéndose contra a violencia machista, unha das expresións máis brutais do patriarcado. Galiza, contra o que nos di o sentido común do sistema e do réxime, é viva; emerxe nestas e outras manifestacións de resistencia recollendo o mellor da nosa tradición emancipadora, feminista, nacional e de esquerda, e faino falando en galego.

Por iso pensamos, por riba de particulares encadramentos partidarios, na necesidade de organizar a nosa potencia como pobo constituínte, que non ten cabida como suxeito soberano no actual cadro xurídico-político, o cal é o mesmo que dicir que este non permite unha Galiza dona de seu. Por esa razón, as Bases Democráticas Galegas queren ser unha iniciativa que encarne as aspiracións colectivas de ruptura democrática e popularice e resitúe na rúa as teses autodeterministas e o norte irrenunciábel de edificación dun proxecto de emancipación nacional, de xénero e social.

Esta convocatoria do Día da Patria é apenas o primeiro paso nese camiño que nos propoñemos andar colectivamente. É posíbel grazas ao esforzo non xa dos convocantes, senón sobre todo das forzas que apoian esta manifestación. Nun primeiro termo, CUT, FPG, NÓS-UP e PCPG, que xenerosamente decidiron renunciar ás súas mobilizacións para facer real esta manifestación unitaria.

CONTRA O IMPERIALISMO
CONTRA O PATRIARCADO
POLA EMANCIPACIÓN DA CLASE TRABALLADORA
POLA AUTODETERMINACIÓN DE GALIZA

VIVA GALIZA CEIBE!

Galiza, 25 de Xullo de 2004

25 de Julho: Autodeterminaçom

2004-07-25T08:57:00.000-07:00

As Bases Democráticas Galegas constituem umha iniciativa promovida por um grupo de pessoas diversas vinculadas a diferentes ámbitosda Galiza. Esta proposta surge da necessidade de situar em primeiro plano alguns dos aspectos fundamentais que lhe permitem a toda colectividade reconhecer-se como sujeito político e construir o seu presente e o seu futuro livremente. Pensar num projecto colectivo de Naçom Galega implica resgatar o valor de princípios irrenunciáveis: autodeterminaçom e democracia nos seus significados plenos, defesa da língua e da cultura da Galiza e um quadro galego de relaçons laborais. As Bases Democráticas Galegas configuram umha iniciativa nom partidária de mulheres e homens que promoven a articulaçom de um projecto de resistência frente à ordem existente, umha proposta activa de encarnaçom de um novo poder constituinte.

O facto nacional galego e o seu ámbito próprio de decisom som negados sistematicamente polo actual quadro jurídico-político, que nom reconhece mais sujeito soberano que as suas próprias instituiçons. Hoje os alicerces culturais, económicos e identitários que nos caracterizam como povo diferenciado estám em perigo de esmorecer por mor da pressom quotidiana e por vezes opaca do capitalismo e do irrealizável projecto de naçom espanhola com o qual a Galiza entra numha contradiçom só superável com o exercício efectivo da autodeterminaçom. O projecto imperialista espanhol só admite a homogeneizaçom e a dissoluçom das culturas e naçons peninsulares na obrigada unidade da Espanha consagrada de maneira abertamente coercitiva pola Constituiçom Espanhola que a Galiza nunca aprovou. Eis o ataque frontal aos direitos democráticos mais elementares e a perseguiçom política, mediática, policial e judicial contra toda dissidência, contra qualquer discrepáncia; umha perseguiçom que abrange da esquerda independentista basca, aos três trabalhadores lugueses condenados por participarem num piquete numha Greve Geral, a proibiçom do exercício da liberdade de expressom e a repressom aos diferentes colectivos, nomeadamente à militáncia da esquerda independentista, as condenas a pessoas de diferentes colectivos sociais ou a gravíssima e recente sentença do TSJG sobre a Greve da empresa de transporte "Castromil".

Nem Galiza nem o Estado espanhol som umha ilha no mundo. Nestas datas assistimos como espectadores -outro papel nom nos é outorgado- ao chamado processo de construçom europeia. Mas a Europa que se institucionaliza nom responde às necessidades democráticas e de liberdade dos povos que a conformam; muito menos aos interesses das suas classes populares. É um projecto pensado por e para as corporaçons capitalistas, para fixar em lei as suas aspiraçoms de dominio absoluto sobre os povos, as mulheres e a classe trabalhadora. Os sujeitos soberanos da Constituiçom europeia nom som os povos, mas os estados e as suas elites governantes, gestoras dos negócios do Capital. A reivindicaçom democrática de umha Europa dos povos, das suas culturas e das suas línguas, é profundamente contraditória com um projecto constitucional europeu que nega o direito de autodeterminaçom como alternativa à uniformizaçom e ao projecto excludente da chamada globalizaçom capitalista. Falarmos da Constituiçom europeia implica posicionar-nos politicamente e evidenciar a sua profundidade antidemocrática, denunciar a transcendência religiosa e os interesses neoliberais e imperialistas. É umha constituiçom xenófoba, que consagra a liberdade do Capital ao tempo que impede o livre movimento das pessoas, legitima e perpetua a dominaçom e exploraçom das mulheres. É antidemocrática, anti-social e belicista. Institucionaliza a Europa do Capital, dos Estados, do Patriarcado e da Guerra. Nega os direitos dos povos e dos trabalhadores e trabalhadoras.

O Capital nom admite barreiras à exploraçom. A guerra imperialista é umha das manifestaçons deste processo de supeditaçom de toda forma de vida aos desígnios do mando capitalista. A espoliaçom de recursos, o reparto desigual da riqueza e os seus efeitos em povos e continentes inteiros profundiza na exclusom de um número crescente de seres humanos e cria as condiçons da confrontaçom. A xenofobia e o patriarcado som instrumentos de controlo que geram um freio significativo para a melhoria das condiçons de vida e do bem-estar de todos os seres humanos. A destruiçom dos sectores públicos e a despolitizaçom da economia, a sua independência das decisons políticas, a falência dos serviços públicos, a reclusom da participaçom democrática nos canais estritamente institucionais, a privatizaçom do mundo na sua totalidade; eis o projecto de capitalismo global ao qual nos enfrentamos.

Nunca tanta riqueza potencial, tanto desenvolvimento das forças produtivas gerou tanta pobreza, tanta exploraçom e tantas formas de extermínio maciço. A supervivência do planeta está em perigo. É tempo de construirmos um outro mundo, hoje, de umha Galiza concebida como simples peça prescindível da engrenagem da acumulaçom capitalista. Numha Galiza em situaçom de crise prolongada, de destruiçom sistemática do seu tecido produtivo, de submetimento às políticas clientelares que projectam convertê-la num deserto humano atravessado de autovias que conduzem à emigraçom, à destruiçom do património cultural e natural, à sobre-exploraçom, a ningures... Seguimos acreditando na necessidade de os galegos e as galegas construirmos sen peja nengunha o nosso futuro colectivo, de os trabalhadores e as trabalhadoras apropriarmo-nos do produto do nosso trabalho.

Porque, contodo, Galiza vive um tempo intenso que nos dá liçons e desmentidos se analisamos a realidade além do estreito quadro da cadeia eleitoralista a que é submetida a política. A naçom de que falamos achega a sua força a esse outro mundo possível que atravessa o mundo com múltiplas manifestaçons de resistência. E fai-no demonstrando a sua singularidade e vontade de existência: protagonizando as maiores mobilizaçons estudantis de Europa ao grito de Nom à LOU, mediante o qual a nossa mocidade impugnou radicalmente um futuro de exploraçom e submetimento; manifestando-se contra a Europa do Capital e contra a Globalizaçom, solidária com todas as resistências ao capitalismo; erguendo-se de jeito maciço em Greve Geral contra os ataques aos direitos conquistados polo proletariado; chantando o clamor do Nunca Mais contra o atentado social e ambiental e os seus responsáveis e substituindo na prática o Estado pola auto-organizaçom assemblear, verdadeira instituiçom política das multidons; fazendo das ruas a negaçom decidida da guerra imperialista, movimentando-se contra a violência machista, umha das expressons mais brutais do patriarcado. Galiza, contra o que nós diz o senso comum do sistema e do regime, é viva; emerge nestas e outras manifestaçons de resistência recolhendo o melhor da nossa tradiçom emancipadora, feminista, nacional e de esquerda, e fai-no falando em galego.

Por isso pensamos, por cima de particulares enquadramentos partidários, na necessidade de organizar a nossa potência como povo constituinte, que nom tem cabida como sujeito soberano no actual quadro jurídico-político, o qual é o mesmo que dizer que este nom permite umha Galiza dona de seu. Por essa razom, as Bases Democráticas Galegas querem ser umha iniciativa que encarne as aspiraçons colectivas de ruptura democrática e popularize resitue na rua as teses autodeterministas e o norte irrenunciável de edificaçom de um projecto de emancipaçom nacional, de género e social.

Esta convocatória do Dia da Pátria é apenas o primeiro passo nesse caminho que nos propomos andar colectivamente. É posível graças ao esforço nom já dos convocantes, mas sobretodo das forças que apoiam esta manifestaçom. Num primeiro termo, CUT, FPG, NÓS-UP e PCPG, que generosamente decidírom renunciar às suas mobilizaçons para fazer real esta manifestaçom unitária.

CONTRA O IMPERIALISMO
CONTRA O PATRIARCADO
POLA EMANCIPAÇOM DA CLASSE TRABALHADORA
POLA AUTODETERMINAÇOM DA GALIZA

VIVA GALIZA CEIVE!

Galiza, 25 de Julho de 2004

2004-02-06T16:47:00.000-08:00

AS BASES DEMOCRÁTICAS GALEGAS

PERANTE O FRACASO DA REFORMA ESTATUTARIA

A Xunta do bipartido tiña como un dos seus obxectivos centrais nesta lexislatura o de conseguir a reforma do Estatuto de Autonomía, reforma negada rotundamente pola Xunta de Fraga e o PP. Ao longo deste ano puxéronse na tarefa, as negociacións e as reunións; mesmo chamaron a determinadas forzas sociais, políticas e sindicais para lle dar un aspecto “democrático” ao proceso, excluíndo a maioría das entidades soberanistas.

O seu obxectivo era o de adecuar a relación da Galiza co resto do estado, sen tocar as bases e os marcos da Constitución do 78. Esta, e non outra, é a razon do fracaso da negociación do Estatuto.

Fronte á firmeza do PP, representante “lexítimo” e administrador dos intereses do aparello do Estado –da xudicatura, do exército, etc.- na Galiza, presentáronse duas opcións, cada cal máis feble, a do PSOE que, no fondo representa o mesmo cá do PP, e ten a mesma política cara á Galiza que o PP só que co “talante”, e a do BNG, que presentou a súa oferta de Estatuto de Nación evitando calquera referencia ao dereito de autodeterminación.

O que escondía esta proposta, é que unha nación só pode considerarse como tal, se exerce o seu lexítimo dereito á decisión, o contrario é converter o termo “nación” nun saúdo á bandeira. Nos feitos, a mesma reforma do Estatuto é unha negación da autodeterminación, ao substituír o dereito do pobo a decidir por unha negociación. O máis que faria o pobo sería ratificar, ou non, o negociado en segredo polas forzas políticas institucionais.

O PP entrou na negociación coa forza de quen sabe que no outro lado da mesa non hai firmeza, mais aceptación dos mesmos criterios que lles confiren forza: a prohibición constitucional do dereito a autodeterminación, e que, por iso, non tiñan a menor intención de sacar a poboación á rúa, para esixilo.

Ademais, os defensores da reforma, como poderían apelar á poboación se negocian ás súas costas, e, ademais, non ten que ver cos problemas que teñen. Na negociación falábase de moitas cousas, dos subsidios, das obras de infraestrutura prometidas, da parte de investimentos do estado na Galiza, da parte dos impostos que ficarían na Galiza, etc., falábase de como a burguesía “galega” apañaría un pedazo dos orzamentos estatais que cuantificaron en 8%.

E este diñeiro ía a obxectivos concretos: a grande polémica do transporte non eran os servizos de proximidades ou intercomarcais, mais o AVE; as deslocalizacións e a precariedade resolvíanse con declaracións xenéricas, para logo dicir que non podian facer nada “contra as leis do mercado”; na reindustrialización só se lles ocorre privatizar o estaleiro ferrolán de ASTANO; na saúde só saben manter a mesma política de precariedade e infrautilización dos servizos, fomentando desta maneira a saúde privada; no terreo impositivo, pelexan polas cotas que van ficar na Galiza dos impostos indirectos, IVE incluído, e non se lles ocorría propor a prohibición expresa da imposición indirecta e o estabelecemento dun imposto directo e progresivo (“que pague quen máis ten”).

Nestas condicións, o debate “nación si ou non” era nominalista, e non tiña nada a ver con intereses da poboación traballadora, que a vían lonxe da súa vida privada.

O fracaso do Estatuto pode parecer un retroceso no “autogoberno” da Galiza, pero nada máis lonxe da realidade. O fracaso da negociación do Estatuto é o fracaso de quen pretende vender a negociación cos PP e o aparello do estado como a maneira de alcanzar un maior “autogoberno”. Mais, chegar a 8% dos orzamentos non resolve os problemas centrais da pobacion traballadora galega e non resolve o problema da dependencia da Galiza dun estado centralista.

Escoller a suposta vía de menor resistencia, é dicir, a negociación cos inimigos mortais dos pobos, dos mesmos que petardearon o proceso basco, dos mesmos que envían tropas a medio mundo, dos que insultaron e desprezaron a Galiza cando a crise do Prestige, os que representan o estado herdado do franquismo, é escoller a vía do fracaso.

O verdadeiro “autogoberno” da Galiza, e dicir, o dereito á autodeterminación que lle permita escoller libremente o seu destino, depende de que a poboación traballadora sinta que é parte da súa loita contra a explotación e a opresión, que a faga súa e a defenda coa mobilizacion social, única maneira de romper a “firmeza” dos inimigos da liberdade dos pobos.

As BDG pensan que todos/as aqueles/as que defenden o carácter de nación da Galiza, e polo tanto o seu irrenunciábel dereito á autodeterminación, estean debaixo das siglas que estiveren, teñen que reagruparse e traballar neste camiño.

Galiza 29 de Febreiro de 2007

2004-02-06T16:44:00.000-08:00

AS BASES DEMOCRÁTICAS GALEGAS PERANTE O FRACASSO DA REFORMA ESTATUTÁRIA

A Junta do bipartido tinha como um dos seus objectivos centrais nesta legislatura o de conseguir a reforma do Estatuto de Autonomia, reforma negada rotundamente pola Junta de Fraga e o PP. Ao longo deste ano pugérom-se na tarefa, as negociaçons e as reunions; mesmo chamárom a determinadas forças sociais, políticas e sindicais para lhe dar un aspecto “democrático” ao processo, excluindo a maioria das entidades soberanistas.

O objectivo deles era o de adequar a relaçom da Galiza com o resto do Estado, sen tocar as bases e os marcos da Constituiçom de 78. Esta, e nom outra, é a razom do fracasso da negociaçom do Estatuto.

Frente à firmeza do PP, representante “legítimo” e administrador dos interesses do aparelho do Estado –da judicatura, do exército, etc.- na Galiza, apresentárom-se duas opçons, cada qual mais feble, a do PSOE que, no fundo representa o mesmo que a do PP, e tem a mesma política para a Galiza que o PP mas com o “talante”, e a do BNG, que apresentou a sua oferta de Estatuto de Naçom evitando qualquer referência ao direito de autodeterminaçom.

O que escondia esta proposta, é que umha naçom só pode considerar-se como tal, se exerce o seu legítimo direito à decisom, o contrário é converter o termo “naçom” numha saudaçom à bandeira. Nos factos, a mesma reforma do Estatuto é umha negaçom da autodeterminaçom, ao substituir o direito do povo a decidir por umha negociaçom. O mais que faria o povo seria ratificar, ou nom, o negociado em segredo polas forças políticas institucionais.

O PP entrou na negociaçom com a força de quem sabe que no outro lado da mesa nom há firmeza, mas aceptaçom dos mesmos critérios que lhes conferem força: a proibiçom constitucional do direito à autodeterminaçom, e que, por isso, nom tinham a menor intençom de tirar a populaçom à rua, para exigí-lo.

Além disto, os defensores da reforma, como poderiam apelar à populaçom se negociam às suas costas e aliás, nom tem a ver com os problemas que tenhem. Na negociaçom falava-se de muitas cousas, dos subsídios, das obras de infra-estrutura prometidas, da parte de investimentos do Estado na Galiza, da parte dos impostos que ficariam na Galiza, etc., falava-se de como a burguesia “galega” apanharia um pedaço dos orçamentos estatais que quantificáron em 8%.

E este dinheiro ia a objectivos concretos: a grande polémica do transporte nom eram os serviços de proximidades ou intercomarcais, mas o AVE; as deslocaçons e a precariedade resolviam-se com declaraçons genéricas, para logo dizer que nom podiam fazer nada “contra as leis do mercado”; na reindustrializaçom só se lhes ocorre privatizar o estaleiro ferrolano de ASTANO; na saúde só sabem manter a mesma política de precariedade e infra-utilizaçom dos serviços, fomentando desta maneira a saúde privada; no terreno impositivo, pelejam polas quotas que vam ficar na Galiza dos impostos indirectos, IVA incluído, e nom se lhes ocorreu propor a proibiçom expressa da imposiçom indirecta e o estabelecimento de um imposto directo e progressivo (“que pague quem mais tiver”).

Nestas condiçons, o debate “naçom sim ou nom” era nominalista, e nom tinha nada a ver com interesses da populaçom trabalhadora, que o viam longe da sua vida privada.

O fracasso do Estatuto pode parecer um retrocesso no “autogoverno” da Galiza, mas nada mais longe da realidade. O fracasso da negociaçom do Estatuto é o fracasso de quem pretende vender a negociaçom com os PP e o aparelho do estado como a maneira de alcançar um maior “autogoverno”. Mas, chegar a 8% dos orçamentos nom resolve os problemas centrais da populaçom trabalhadora galega e nom resolve o problema da dependência da Galiza de um estado centralista.

Escolher a suposta via de menor resistência, quer dizer, a negociaçom com os inimigos mortais dos povos, dos mesmos que petardeárom o processo basco, dos mesmos que enviam tropas a meio mundo, dos que insultárom e desprezárom a Galiza quando a crise do Prestige, os que representam o estado herdado do franquismo, é escolher a via do fracasso.

O verdadeiro “autogoverno” da Galiza, e dizer, o direito à autodeterminaçom que lhe permita escolher livremente o seu destino, depende de que a populaçom trabalhadora sinta que é parte da sua luita contra a exploraçom e a opressom, que a faga sua e a defenda com a mobilizaçom social, única maneira de romper a “firmeza” dos inimigos da liberdade dos povos.

As BDG pensam que todos/as aqueles/as que defendem o carácter de naçom da Galiza, e portanto o seu irrenunciável direito à autodeterminaçom, estejam sob as siglas que estiverem, tenhem que reagrupar-se e trabalhar neste caminho.

Galiza 7 de Fevereiro de 2007

Apresentaçom pública das Bases Democráticas Galegas

2004-01-31T08:54:00.000-08:00

O sábado 31 de Janeiro tivo lugar no hotel Hespéria-Compostela a conferência de imprensa de apresentaçom publica das Bases Democráticas Galegas.

Carlos Taibo e Bráulio Amaro intervírom em nome dos 14 primeir@s assinantes para dar a conhecer os objectivos e os motivos que levam a por em andamento esta iniciativa.

À conferência de imprensa asssitírom Afonso Ribas, Xosé María Dobarro, Bráulio Amaro, Carlos Taibo, Dionísio Pereira, Xesus Sanxuás e Domingos Antom Garcia.

Saudo d@s primeir@s assinantes e impulsionadores/as da iniciativa

2004-01-01T17:23:00.000-08:00

Car@ compañeir@, car@ amig@:

En virtude de razóns que tanto teñen a ver con circunstancias propias da vida na Galiza canto cos avatares do panorama internacional, entre nos están a recuar principios que há dez anos facían parte saudábel, con claridade, das nosas conviccións e do noso debate cotián. De maneira singular, a defensa do principio da autodeterminación ten perdido dramaticamente terreo nun escenario marcado por un visíbel retroceso no que atinxe ao exercicio de dereitos e liberdades básicas. En consecuencia, cada vez é mais preciso pór en cuestión a condición democrática da Galiza de hoxe.
A iniciativa, que leva por nome Bases Democráticas Galegas, ten un obxectivo fundamental resgatar o vigor de principios como os que falan de autodeterminación e democracia, de defensa da lingua e dun cadro galego de relacións laborais. As Bases Democráticas Galegas non nacen contra ninguén. Configuran antes unha iniciativa, non partidaria nen sectaria, de persoas, mulleres e homes, que promoven a recuperación de elementos decisivos para rearticular un proxecto de resistencia, e ao tempo de proposta activa, frente à orde existente.

Sen outro particular, un saúdo d@s

Primeir@s asinantes e impulsores/as da iniciativa
(Antolín Alcántara, Celso Álvarez Cáccamo, Bráulio Amaro, Begonha Caamanho, Antón Dobao, Domingos Antom Garcia Fernandez, Xosé Maria Dobarro, Marcial Gondar, Dionísio Pereira, Afonso Ribas, Xesus Sanxuás, Xurxo Souto, Carlos Taibo, Carlos Velasco Souto)

Galiza, xaneiro de 2004

Saudaçom d@s primeir@s assinantes e impulsionadores/as da iniciativa

2004-01-01T08:40:00.000-08:00

Car@ companheir@, car@ amig@:
Em virtude de razons que tanto tenhem a ver com circunstáncias próprias da vida na Galiza quanto com os avatares do panorama internacional, entre nos estám a recuar princípios que há dez anos faziam parte saudável, com claridade, das nossas convicçons e do nosso debate quotidiano. De maneira singular, a defesa do princípio da autodeterminaçom tem perdido dramaticamente terreno num cenário marcado por um visível retrocesso no que atinge ao exercício de direitos e liberdades básicas. Em conseqüência, cada vez é mais preciso pôr em questom a condiçom democrática da Galiza de hoje.

A iniciativa que leva por nome Bases Democráticas Galegas tem um objectivo fundamental resgatar o vigor de príncipios como os que falam de autodeterminaçom e democracia, de defesa da língua e dum quadro galego de relaçons laborais. As Bases Democráticas Galegas nom nascem contra ninguém. Configuram antes umha iniciativa, nom partidária nem sectária, de pessoas, mulheres e homens, que promovem a recuperaçom de elementos decisivos para rearticular um projecto de resistência, e ao tempo de proposta activa, frente à ordem existente.

Sem outro particular, um saúdo d@s

Primeir@s assinantes e impulsionadores/as da iniciativa
(Antolín Alcántara, Celso Álvarez Cáccamo, Bráulio Amaro, Begonha Caamanho, Antón Dobao, Domingos Antom Garcia Fernandez, Xosé Maria Dobarro, Marcial Gondar, Dionísio Pereira, Afonso Ribas, Xesus Sanxuás, Xurxo Souto, Carlos Taibo, Carlos Velasco Souto)

Galiza, Janeiro de 2004

Bases Democraticas Galegas

2003-02-06T10:07:00.001-08:00

1- Galiza es una nación. Tiene derecho al ejercicio de la autodeterminación.

2- El pueblo galego y Galiza son el único sujeto y ámbito soberano de decisión.

3- Democracia real y participativa. Cese del recorte de libertades.

4- Plena normalización del galego como lengua propia de Galiza.

5- Marco galego de relaciones laborales.

6- La nación galega no se ciñe exclusivamente al territorio actual de la CAG.

Basi Democratiche Galleghe

2003-02-06T10:07:00.000-08:00

1) La galizia è una nazione. Ha diritto all'esercizio dell'autodeterminazione.

2) Il popolo gallego e la Galizia sono l'unico sovrano e l'unico soggetto di decisione.

3) Democrazia reale e partecipativa. Sospensione dei ritagli di libertà.

4) Piena normalizzazione del gallego come lingua ufficiale della Galizia.

5) Cornice gallega di relazioni lavorative.

6) La nazione gallega non comprende esclusivamente il territorio attuale della CAG.

Bases Démocratiques Galiciennes

2003-02-06T10:06:00.001-08:00

1- Galiza est une nation. Elle a le droit d'exercise d´autodétermination.

2- Le peuple galicien et Galiza sont les uniques sujets et cadre souverain de décision.

3- Démocratie réele et participative. Cessation de la réduction des libertés.

4- Pleine normalisation du galicien comme la langue propre de Galiza

5- Cadre et domaine galicien des relations du travail

6- La nation galicienne ne comprend pas exclusivement le territoire actuel de la CAG (Communauté Autonome de Galiza)

Galizan Democratic Bases

2003-02-06T10:06:00.000-08:00

1.- Galiza is a nation. It has the right to exercise self-determination.

2.- The Galizan people are the only sovereign subjects, and Galiza itself is the only sovereign realm for decision-making

3.- We are for a true, participatory democracy, and for an end to restrictions on liberties.

4.- We are for the full social normalisation of Galizan as Galiza's own language.

5.- We are for a Galizan framework for labour relations

6.- The Galizan nation is not limited to the current territory of the "Autonomous Community of Galicia

Galizako Onarri Demokratikoak

2003-02-06T10:05:00.000-08:00

1- Galiza aberri bat da. Autodeterminazioa burutzeko eskubidea dauka.

2- Galiziar herria eta Galiza erabaki hartzeko eremu eta subjektu jabedun bakarrak dira.

3- Egiazko eta esku-hartzaile demokrazia. Askatasunen murrizketaren bukaera.

4- Erabateko galiziarren normalizazioa, Galiza bertoko hizkuntza bezala.

5- Lan Harremanen galiziar markoa.

6- Galiziar aberriak ez du uneko CAG-ren lurraldea soilik mugatzen

Bases Democràtiques Galegas

2003-02-06T10:04:00.000-08:00

1 - Galiza és una nació. Té dret a l'exercici de l'autodeterminació.

2 - El poble gallec i Galiza són l'únic subjecte i àmbit sobirà de decisió.

3 - Democràcia real i participativa. Cessament de la retallada de llibertats.

4 - Plena normalització del gallec com a llengua pròpia de Galiza.

5 - Marc galego de relacions laborals.

6 - La nació galega no es cenyeix exclusivament al territori actual de la CAG (Comunitat Autònoma de Galícia)

Quem som as Bases Democraticas Galegas

2003-02-06T09:42:00.000-08:00

1.Introduçom

A história contemporánea da Galiza é inseparável da história de importantes sectores que se organizárom, nos campos mais diversos, polo reconhecimento da condiçom nacional do nosso País. Sectores estes que da política, da cultura, do sindicalismo, dos mais variados movimentos populares, reforçárom os alicerces dumha comunidade humana singularizada e insubstituível, única no mundo, que somava a uns traços sócio-culturais milenários a vontade de ser e materializar-se politicamente. Por muito que de maneira interessada e escassamente rigorosa se tente por parte dos poderes hoje hegemónicos apresentar a defesa da galeguidade como um propósito exclusivamente cultural, tendente como muito à valorizaçom dum património peculiar entendido como entranhável ou pitoresco, o movimento social que nomeamos -com um dilatado e digníssimo percurso já andado- associa-se a partir das suas raízes com um projecto nitidamente político rumado para o poder galego e portanto contraposto a quem desde os aparelhos de Estado espanhol -em diferentes etapas históricas e com distintas adscriçons ideológicas- tencionárom restringir a identificaçom com o País a umha vocaçom sentimentalista e inócua esvaziada de todo desafio ao statu quo reinante. Statu quo que foi, independentemente da fase histórica que estudarmos, o da negaçom dum feito nacional e da possibilidade de este se exprimir sem entraves, por parte dum Estado unitário em cruzada permanente contra as realidades etnoculturais e os projectos sócio-políticos nom assimiláveis.
Somos conscientes de que o maior florescimento da nossa vida colectiva, os momentos de maior ilusom de cara ao nosso futuro como Povo, se dérom naquelas etapas em que sectores activos e lúcidos do nosso País plasmárom em factos a sua aposta por umha Galiza dona de seu e enquadrárom a suas tarefas quotidianas no projecto de autodeterminaçom nacional: em defesa do idioma ameaçado e pola dignificaçom da nossa cultura, em defesa da Terra contra as agressons sociais e ambientais, polos direitos das classes populares e contra o espólio das nossas riquezas, em prol dumha representaçom própria sem intermediários no concerto das naçons do mundo, polas liberdades democráticas básicas... cada passo na vertebraçom dumha sociedade civil galega com ferramentas de seu úteis e imprescindíveis para a melhoria das condiçons de vida d@s mais situou-se, inquestionavelmente, no horizonte estratégico irrenunciável da autodeterminaçom, da livre decisom d@s galeg@s sobre o status jurídico-político que queremos para um Povo historicamente vexado, submetido, espoliado e forçosamente reconvertido a vias de progresso que os mais avançados rejeitam.

2. A Autodeterminaçom, um direito democrático.

A Autodeterminaçom é o processo político polo qual o conjunto dum povo decide, com plena potestade e sem quaisquer ingerências externas, o seu destino: o seu relacionamento com o resto de naçons, o seu modelo político e económico, o papel da sua língua e cultura. Galiza é um Povo, umha comunidade humana dotada de acusados traços que a singularizam, e umha naçom, colectivo em permanente construçom e desejo constatado de ser e de plasmar a sua existência em instituiçons próprias. O nosso País nom conseguiu ainda, por múltiplas razons, chegar a esse mínimo indispensável para toda naçom que é a livre decisom do seu futuro. O mesmo marco institucional que tentou e tenta negar a sua existência -ou, nalgum dos casos, desvirtuá-la até a deformaçom-, fazendo-a um apêndice peculiar de Espanha, negou-se e nega-se em rotundo ao reconhecimento dum quadro galego de decisom que poda questionar umha suposta pátria única que veu dada por guerras e conquistas e se situa por cima de pessoas e direitos.
Por muito que umha insistente campanha mediática nos faga associar a Autodeterminaçom com umha proposta anacrónica e fora de lugar no mundo do século XXI, som os seus fanáticos detractores quem se situam fora da história. Os que nom lembram os novos Estados nascidos nos inícios do século XX, como a Noruega, a Irlanda ou a Finlándia, as descolonizaçons da segunda metade da centúria, como a argelina, ou o novo mapa das naçons surgido a inícios da década de 90 na Europa Central e Oriental. Quem querem apagar povos e naçons com todas as ferramentas ao seu alcance parecem esquecer que estas se resistem, e que a sua vitalidade dá lugar a novos Estados surgidos da vontade maioritária da sua populaçom. O facto é ainda mais grave: dim estar com o mundo de hoje -o injusto e invivível mundo de hoje-, mas desconhecem também aqueles logros que custosamente as pessoas e colectivos oprimidos conseguírom introduzir na legislaçom e em distintos tratados internacionais. O direito de Autodeterminaçom está reconhecido, entre outros textos, nos que seguem:

-No artigo 1.2. da Carta Fundacional da Organizaçom das Naçons Unidas (1945).
-Na Declaraçom das Naçons Unidas sobre a concessom da independência aos países e povos coloniais (Resoluçom 1514 (XV) da Assembleia Geral, 1960).
-Nos Pactos Internacionais de Direitos Civis e Políticos e de Direitos Económicos, Sociais e Culturais (1966).
-Na resoluçom 2625 (XXV) da Assembleia Geral da Organizaçom das Naçons Unidas (1970).
-Na acta final do Tratado de Helsinki (1975).
-Na Carta de Argel (1976).
-No Comentário Geral nº 12 do Comité de Direitos Humanos da Organizaçom das Naçons Unidas, em referência ao artigo 1 do Pacto Internacional de Direitos Civis e Políticos (21ª sessom, A/39/40, 1984).
-Na Carta Africana dos Direitos Humanos e dos Direitos dos Povos.
-Na Carta da Organizaçom das Naçons e os Povos Nom Representados (1991).
-Na Declaraçom Universal dos Direitos dos Povos (2001).

Som os defensores a ultrança do quadro jurídico-político espanhol quem estám fora da História e bem longe dos ares de progresso que ainda correm nalgumhas partes do mundo graças aos esforços denodad@s de tant@s por nom ceder direitos essenciais. Som eles, os mesmos que desde os seus potentes altofalantes demonizam e ameaçam quem, sem outra ambiçom que fazer valer o que é justo, dim alto e claro que a Autodeterminaçom é possível e, como todo direito básico, irrenunciável.

3. A Autodeterminaçom, chave para a Galiza.

Qualquer colectivo humano tem pleno direito a reformular, redesenhar, dar volta ou reinventar o seu quadro político e o seu relacionamento com o exterior. Somos @s galeg@s, por algumha estranha adversidade histórica ou por algumha inexplicável peja genética, menos do que @s finladeses/as, @s irlandeses/as, @s argelin@s, @s quebequeses/as, @s timorenses/as, ou os estóni@s? Evidentemente, nom. Mas somos um velho País que soporta a negativa secular dum Estado que, além de incumprir reiterada e descaradamente a legislaçom internacional que di assumir, leva nos últimos tempos os elementos dum franquismo que segue a viver no seu seio. Franquismo nas formas, nas atitudes e nos símbolos, mas também no fundo, nos objectivos finais e no modo autoritário que caracteriza o seu agir diário.
Este Estado nega-nos o que o direito nos concede. Mas também nos nega o que a realidade nos exige. A defesa explícita do direito de Autodeterminaçom na Galiza de hoje é umha exigência. Exercitar a democracia no seu senso real e profundo é necessário para um País que -tomarmos os índices que tomarmos- apresenta sintomas de gravíssimas doenças que até ameaçam a sua própria existência. Nom recorremos nesta explicaçom a análises sisudíssimas ou dados custosamente tirados de fontes ocultas. Falamos do que todo o mundo fala, do que mesmo diferentes organismos oficiais reconhecem sem matizes. Em duas décadas de autonomia e um quartel de século sob o espartilho jurídico-político da Constituiçom que pretendeu inviabilizar a ruptura democrática, todos aqueles indicativos respeitantes à identidade galega e ao bem-estar da populaçom trabalhadora apresentam um quadro contundente:
-O idioma, pedra angular da nossa existência e projecto nacional, esmorece a ritmo acelerado e desaparece nos ámbitos juvenis e urbanos, em que se desenha o futuro imediato da Galiza. Umha tímida institucionalizaçom (administrativa, educativa e mediática), que em todo o caso nom cumpre a raquítica legalidade lingüística proclamada de maneira hipócrita aos quatro ventos, serve a muit@s de estupefaciente e miserável consolaçom para observar sem traumas como o galego vê esfarelar o seu espaço simbólico e restringe as suas funçons ao cerimonial. A institucionalizaçom e a ritualizaçom do idioma dumha visom restrita das funçons, possibilidades e extensom mundial do galego, é a cara amável do processo de substituiçom e crioulizaçom lingüística, como o galeguismo inofensivo e culturalista é a dádiva que o poder permite pola nossa docilidade.
-O envelhecimento populacional, além de se enquadrar em tendências demográficas próprias do nosso contorno geográfico, apresenta um perfil dramático. O peso da secular sangria migratória une-se agora à falta de expectativas económicas para a mocidade de amplas zonas do País, antecipando um futuro próximo em que mais de um quartel da populaçom superará os 65 anos e em que grande parte da Galiza interior se converterá num ermo sem mais expectativas que fazer-se objecto de consumo dos serviços turísticos. Mais de 100000 moç@s tivérom que procurar vida fora todo ao longo da década de 90, enquanto a fraqueza da oferta laboral galega fai com que a imigraçom (com possíveis efeitos compensatórios do saldo demográfico) ainda nom apresente umha grande importáncia.
-A nossa entrada na Uniom Europeia sem que precedesse nengumha consulta popular e sem umha voz internacional que defendesse os nossos interesses supujo um colapso de grandes dimensons para vários dos nossos sectores económicos, e conduziu-nos para um ponto sem retorno em direcçom a umha monoespecializaçom em serviços que nom se traduz em maior estabilidade laboral, maior poder aquisitivo ou produçom de riqueza. A Galiza constringida por um molde alheio que nom pudo participar no desenho da PAC, que foi expulsada dos seus caladoiros tradicionais, que nom pudo pôr em andamento umha diversificada indústria de transformaçom ou bens de equipa para compensar os perversos efeitos da reconversom ou das poluentes indústrias de enclave, que viu como se vendia o sector lácteo à agro-indústria estrangeira, essa Galiza foi literalmente despedaçada sem podermos as e os seus cidadáns opinar sobre que quadro e modelo económico desejamos.
-O neoliberalismo que em toda a parte varre direitos historicamente consagrados pola movimentaçom operária e popular e mercadeia com todo o possível golpeou no nosso País com especial dureza, carecendo o Estado espanhol da mínima tradiçom de cobertura social e entrando de cheio nas desregulaçons e privatizaçons com o aplauso entusiasta do mais potente empresariado galego.
-Todos os índices respeitantes à qualidade de vida e direitos laborais nos colocam na cauda da Europa, sem consumar-se em nengum caso a tam falada convergência. Crescimento nem sempre é progresso, e paixom desaforada polas grandes infraestruturas que subsidiáromos fundos europeus nom é sinónimo de avanço e maior bem-estar de tod@s: os mais altos índices de desemprego, de precariedade juvenil e feminina, a mais fraca protecçom estatal a desocupad@s, reformad@s ou estudantes, falam de novo dos impolutos resultados deste enquadramento jurídico-político. De novo a nossa singularidade social e económica, e a existência dum importante movimento sindical em coordenadas nacionais, nom tem o seu correlato no reconhecimento dum quadro galego de relaçons laborais.
O carácter injusto dum modelo jurídico-político nom referendado por nengumha maioria qualificada -o actual Estatuto foi ratificado só por 21% d@s galeg@s, e a percentagem de apoios à Constituiçom nom chegou a 50%- ficou já de manifesto. Como de manifesto ficou também a sua incapacidade para fazer frente aos grandes problemas que atenaçam o País: substituiçom lingüístico-cultural, desertizaçom demográfica, reconversons sucessivas, monoespecializaçom económica, precarizaçom constante da maioria social, suplantaçom da nossa voz na Europa e no mundo.

4. A Autodeterminaçom, um direito irrenunciável.

Nos últimos tempos, de maneira paralela à ofensiva sem vernizes do espanholismo mais autoritário e cego contra os nacionalismos resistentes, veu achando acomodo entre nós um discurso pernicioso, sedante e irresponsável no que a Autodeterminaçom di respeito. Sendo este direito legítimo e necessário, afirma-se, a dureza dos tempos deveria levar-nos a arrumar a sua reivindicaçom e a contentarmo-nos com aceitáveis sucedáneos que erosionarem os efeitos mais crus da renovada ofensiva unitarista. Trataria-se portanto de falarmos de recuperar o sentido do Estatuto -por mais que, como vimos, este careça de legitimidade democrática e de utilidade real- ou de pensarmos entre todos (agredid@s e agressores) umha reforma administrativa da estrutura do Estado. A amabilidade e atractivo possibilismo desta reclamaçom que parece achegar-nos a um horizonte mais respirável nom deveria ocultar-nos a armadilha que oculta. Por que?
-Porque se considerarmos a Galiza umha naçom concluiremos que ela se constitui em ámbito autónomo de decisom, sem delegarmos o seu futuro como Povo em decisons externas.
-Porque sendo as propostas de reforma política e de novo encaixe da Galiza no Estado defensíveis e legítimas, elas devem partir, se quigerem legitimidade real, da própria Autodeterminaçom: é a Autodeterminaçom a que abre todo o abano de possibilidades para a Galiza eleger o seu lugar do mundo, nom substituiçons espúrias dum direito por umha determinada possibilidade política que, de entrada, fecha o campo de jogo no terreno que a anti-democrática Constituiçom espanhola desenhou.
Autodeterminaçom para elegermos: para apostarmos pola independência; ou para relacionarmo-nos com outros povos vizinhos em aliança confederal ou federal; para entrarmos ou questionarmos o quadro europeu; para medirmos o grau de relaçom com o vizinho Portugal e outros países que falam a nossa língua; para opormo-nos nos foros internacionais à globalizaçom ou desenharmos um outro modelo da mesma. Pretender apresentar a renúncia parcial ou total à defesa dum direito essencial como um exercício de inteligência e flexibilidade política é aceitar a nossa condiçom de serv@s. Alguém imagina que, em nome da dureza de certa conjuntura política decidíssemos renunciar à defesa da liberdade de expressom, da greve e a sindicaçom, do pluralismo cultural, do anti-racismo, da igualdade de mulheres e homens, só por serem incómodas bagagens com que carregar em tempos difíceis? É o direito de Autodeterminaçom menos importante que os anteriormente citados? Nós afirmamos, com a Declaraçom e Programa de Acçom de Viena (1993) que os Direitos Humanos som universais, interdependentes, interrelacionados e interconexos. Sem Autodeterminaçom nom há plenitude possível do resto de direitos, como tampouco se concebe umha plena Autodeterminaçom colectiva que nom parta dumha plena Autodeterminaçom de cada umha das pessoas que formam o Povo. Sem que o importante sector social que na Galiza pensa em chave nacional active a sua razom e desejo soberanista nom só se renúncia a construir a própria história; exibe-se umha preocupante falta de saúde política e moral que pode levar a Galiza ao museu das peças mortas e inservíveis enquanto se dim aguardar melhores tempos. E estes nom chegam sem dura lavrança e decisom.

5. Umha Galiza que se move.

Por vezes chega-se a acreditar com tanta força nos tópicos que a xenofobia espanhola fabricou sobre nós que estes consumam a sua funçom paralisante. O País eternamente conservador e retardatário seria incapaz de gerar umha dinámica ilusionante em prol da soberania. Mas a Galiza está a viver anos intensos e muito vivos, anos que nos estám a dar liçons e importantes desmentidos sempre que quigermos analisar a realidade fora do estreito espartilhos das valorizaçons eleitorais. O País de que falamos achega o seu grau de areia a essoutro mundo possível e necessário e fai-no aqui e alô, antes do mais, demonstrando a sua singularidade e vontade de existência: protagonizando das maiores movimentaçons estudantis da Europa ao berro de nom à Lou, indo duas vezes consecutivas à greve geral contra as políticas neoliberais, erguendo o clamor do Nunca Mais de maneira quase unánime contra a desfeita social e ambiental e os seus responsáveis, atingindo manifestaçons massivas contra a guerra imperialista... Emerge umha outra Galiza que recolhe o melhor da nossa tradiçom emancipadora, nacional e de esquerdas, e fai-no falando em galego. A Galiza inerte, colonizada, dependente e caciquil existe, mas nom agrandemos a sua sombra nem vaiamos esquecer o País mais moço que emerge, o que nas estatísticas oficiais demonstra às claras um crescimento progressivo da consciência nacional e umha mais sólida auto-estima colectiva. É neste campo que a mais firme reclamaçom de direitos básicos -a Autodeterminaçom como ponto de partida dumha autêntica regeneraçom democrática- deve voltar a achar o seu lugar. A pedagogia política e a auto-organizaçom tenhem de dar forçosamente os seus frutos nesta Galiza que se move.

6. Abrir caminhos: democracia real e a Galiza na Europa.

Abrir caminhos à expressom sem entraves do que a Galiza, como naçom, quer ser, supom remexer os pesos mortos que ainda condicionam e abafam a nossa vida colectiva. Porque se falarmos da explicaçom e da exigência dum direito democrático básico como a Autodeterminaçom falamos de abrir as portas à livre formulaçom de alternativas sociais e políticas hoje vedadas de feito ou de direito:
-A própria defesa da identidade nacional e da proposta soberanista com que se relaciona supom hoje fazer-se alvo da maquinaria propagandística dum poder que a cada mais confina toda dissidência ao termo terrorismo e tende a policializar todo conflito social. Normalizar a reclamaçom autodeterminista é normalizar o exercício quotidiano da democracia.
-A consideraçom dum ámbito galego de decisom anterior e superior a umha simples entidade administrativa chamada Comunidade Autónoma Galega supom denunciar a artificialidade da divisom territorial espanhola: a Galiza estende-se a Leste fora dos lindeiros que marca o Estatuto e a realidade sócio-cultural galega nom cabe no artificial quadro provincial decimonónico.
-A livre concorrência de projectos políticos numha Galiza autodeterminada e a escolha sem condicionamentos prévios de quaisquer modelos sócio-económicos associa o exercício da soberania com os interesses da maioria social.
-A consideraçom nacional da Galiza leva-nos a entender como nom democrática umha construçom do projecto político europeu em que a nossa naçom nom esteja representada, submetida sempre à intermediaçom espanhola e convidada de pedra nuns organismos regionais meramente consultivos.

7. Bases Democráticas Galegas.

A negaçom do reconhecimento do facto nacional galego e dum ámbito galego de decisom; a assunçom dumha só soberania indivisível, a do pueblo español; a criminalizaçom da reivindicaçom autodeterminista e o progressivo recorte de direitos e liberdades, sem poderem concorrer com as mínimas garantias democráticas as opçons políticas que pretendem superar o actual estado de cousas; a negaçom por parte do Estado espanhol, em síntese, dum direito inalienável, universal e internacionalmente reconhecido como é o do Autodeterminaçom; a situaçom de crise nacional galega prolongada e que ameaça a nossa mesma existência como Povo com um universo cultural e base material diferenciadas, sem habilitar-se qualquer umha possibilidade para @s galeg@s elegermos sem entrave algum o nosso futuro colectivo. Todas estas realidades levam-nos a diversas pessoas, colectivos, entidades sociais, forças políticas e organismos cívicos, por cima de particulares adscriçons ideológicas e enquadramentos partidários, a declarar alto e claro que no actual quadro jurídico-político nom há cabimento para todas as opçons políticas e a apresentar e defender as Bases Democráticas Galegas como programa de mínimos que encarna as aspiraçons de ruptura democrática no nosso País. Com o intuito de popularizar e ressituar na rua as teses autodeterministas, de juntar à sua volta aqueles sectores, organizados ou nom, defensores da soberania, e de marcar um norte irrenunciável em que se poda enxergar a edificaçom dum projecto nacional galego com todas as garantias, nascem as BDG que a seguir se exponhem:

BASES DEMOCRÁTICAS GALEGAS

1- Galiza é umha naçom. Tem direito ao exercício de autodeterminaçom.

2- O povo galego e Galiza som o único sujeito e ámbito soberano de decisom.

3- Democracia real e participativa. Cessamento do recorte das liberdades.

4- Plena normalizaçom do galego como língua própria da Galiza.

5- Marco galego de relaçons laborais.

6- A naçom galega nom se cinge exclusivamente ao território actual da CAG.